Astanada 5 avtobýstyń júrý baǵdary ózgertiledi
ASTANA. QazAqparat - 2017 jylǵy 22 qyrkúıekten bastap Astana qalasy baǵdar jelisin modernızatsııalaý aıasynda @astrabus_bot Telegram-botynda «Belsendi azamat» baǵdar syzbalaryn baǵalaý qorytyndysy boıynsha №301 qala mańyna qatynaıtyn baǵdar jumysy jańartylady, sonymen qatar, 4 qalalyq baǵdar syzbasy ózgertiledi, dep habarlaıdy qalalyq ákimdiktiń baspasóz qyzmeti.
Eske salaıyq, №301 baǵdar «Lesnaıa polıana t/a» - Astana q. (sońǵy beket Kabanbaı batyr dańǵyly boıyndaǵy «Kardıohırýrgııalyq klınıka») qozǵalys syzbasy boıynsha ótedi. Sonymen qatar, 4 qalalyq baǵdar syzbasy ózgertiledi:
- №18 baǵdardyń syzbasyn uzartý: «Dostyq» BSMK Ortalyǵy» bastapqy aıaldamasynan Uly dala kóshesi-Qabanbaı batyr dańǵyly qıylysyna deıin ózgerissiz, budan ári Qabanbaı batyr dańǵylyna solǵa - Qabanbaı batyr dańǵylymen týra - «Stella «Astana Juldyzy» sońǵy aıaldama pýnkti. Keri baǵytta uqsas qozǵalys syzbasy boıynsha.
- №26 baǵdardyń syzbasyn uzartý :«Astanaınert» bastapqy aıaldamasynan Kóktal kóshesi - M.Dýlatov kóshesi qıylysyna deıin ózgerissiz, budan ári Kóktal kóshesimen týra - Oqjetpes kóshesine solǵa - Gertsen kóshesine solǵa, budan ári baǵdardyń qoldanystaǵy syzbasy boıynsha. Keri baǵytta uqsas qozǵalys syzbasy boıynsha.
- №37 baǵdardyń syzbasyn uzartý:«Ǵarysh ortalyǵy» sońǵy pýnktinen «T/j vokzaly» aıaladamasyna deıin ózgerissiz, budan ári Gete kóshesi - Birjan sal kóshesi - Tynyshbaeva kóshesi - Qarasaı batyr kóshesi - Aspara kóshesi - D. Dýısenbaev kóshesi - Gertsena kóshesi - Dýlatov kóshesi - Kóktal kóshesi - sońǵy aıaldama «Astanaınert». Keri baǵytta Qarasaı batyr kóshesi - K. Baıseıitova kóshesi qıylysyna deıin uqsas qozǵalys syzbasy boıynsha, budan ári K. Baıseıitova kóshesi - Konstıtýtsııa kóshesine solǵa - І. Esenberlın kóshesi - budan ári qoldanystaǵy qozǵalys syzbasy boıynsha.
- №60 baǵdardyń syzbasyn uzartý: «G/m «Stroımart» bastapqy pýnktinen Kereı, Jánibek handar kóshesi - Qabanbaı batyr dańǵyly qıylysyna deıin ózgerissiz, budan ári Qabanbaı batyr dańǵylyna solǵa - Uly dala kóshesine solǵa - sońǵy aıaldama pýnkti «Arnaý» TK». Keri baǵytta uqsas qozǵalys syzbasy boıynsha.
