Astanada 5-10 synyp oqýshylary arasynda «Tarıh ata» VI respýblıkalyq qashyqtyq olımpıadasy ótip jatyr

Uıymdastyrýshylar - «Daryn» respýblıkalyq ǵylymı-praktıkalyq ortalyǵy jáne L.Gýmılev atyndaǵy EUÝ-dyń áleýmettik ǵylymdar kafedrasy.

Olımpıada eki kezeńmen ótkiziledi. Onyń birinshisinde oqýshylar óz úılerinde otyryp ınternet arqyly testilik tapsyrmalarǵa jaýap berdi. «Daryn» ortalyǵy dırektorynyń orynbasary Sholpan Qırabaevanyń aıtýynsha, birinshi kezeńge 1500-ge jýyq bala qatysty. Birinshi kezeńnen úzdik ótken 68 bala Astanada bastalǵan «Tarıh ata» VI respýblıkalyq olımpıadanyń ekinshi kezeńine qatysýǵa múmkindik aldy.

L.Gýmılev atyndaǵy EUÝ olımpıadaǵa ǵylymı jetekshilik etedi.

Jeńimpazdar men júldegerler «Daryn» RǴPO-nyń dıplomdarymen jáne gramotalarymen marapattalatyn bolady.