Astanada 4G baılanysy iske qosyldy

«Qazaqtelekom» AQ baspasóz qyzmetinen  habarlaǵanyndaı, bul QR Prezıdenti Nursultan Nazarbaevtyń tapsyrmasyn oryndaý aıasynda júzege asyrylyp otyr, dep habarlandy astana.kz saıtynan.  

Jańalyqty Qazaqstan Respýblıkasynyń Kólik jáne kommýnıkatsııa mınıstri Asqar Jumaǵalıev tanystyrdy.  «LTE  tehnologııasy tek qana TMD elderi úshin ǵana jańa emes, barlyq álemde  ol joǵary qarqyndy damyp keledi.  Qazaqstanda onyń paıda bolýy  ınteraktıvti  servısterdi damytý úshin jáne joǵary jyldamdyqta  mobıldi jelilerde  derekterdi taratý  múmkindigi  paıda bolýyna baılanysty ekonomıkanyń  barlyq salasynda  jańa tehnologııalardy  engizýge túrtki bolady», - dep atap kórsetti mınıstr. 

2012 jylǵy  jeltoqsan aıynyń basynda  álemniń 51 elinde LTE   113 kommertsııalyq  jelisi  bar bolǵan.  Jıilik  dıapazony 1800 MGts LTE  jelilerin  ornalastyrý úshin  eń tanymaly bolyp tabylady. Álemdegi  kommertsııalyq jeliniń  40%  osy dıapazonda jumys isteıdi.

4G  abonenttik termınaldaryn  Astana qalasynda búginnen  bastap  resmı satý  bastalady.