Astanada 470 teńgeniń qantyn qaı dúkenderden satyp alýǵa bolady
Atalǵan basqarmanyń habarlaýynsha, elordanyń birqatar saýda nysandarynda qanttyń bir kılosy 320 teńgeden bastap 470 teńgege deıin bekitilgen baǵada satylyp jatyr.
Osylaısha, ákimdik qant baǵasyn turaqtandyrý maqsatynda birqatar sharalar qabyldaǵan.
Osy maqsatta 4 myń tonnanyń 2 myńy «Taraz qant zaýyty» JShS óndirýshisinen satyp alynady. Qanttyń kelisi 470 teńgeden satylyp jatyr.
«Magným» saýda jelisimen 1,5 myń tonna qant jetkizý jóninde kelisimshart jasaldy. Qanttyń bir kılosynyń baǵasy - 465 teńge.
Odan bólek, Azyq-túlik korporatsııasynan 136 tonna (nemese 2 vagon) qant satyp alyndy, onyń bir kılosy - 320 teńge.
Sondaı-aq, Almaty oblysyndaǵy qant zaýytymen 2 myń tonna qant jetkizý jóninde kelissóz júrip jatyr.
«Aıta keteıik, qazir saýda nysandarynyń sórelerinde qant bar. Turaqtandyrý qorynan qantty «Magnýmnyń» 58 fılıalynan, sol sııaqty «Vkýsmart», «Aıan», «Astyqjan», «Fermag» jelilerinen satyp alýǵa bolady» dep málim etti ákimdik.
