Astanada 47 eldiń ókili «Temir adam» ataǵy úshin baq talastyrady
ASTANA. QazAqparat - Erteń, 17 maýsym kúni Astanada trıatlonnan eń bedeldi halyqaralyq jarystardyń biri «IRONMAN 70.3 Astana» ótedi. Jarysqa qatysý úshin álemniń 47 memleketinen 1300-den asa sportshy tirkeldi, onyń ishinde 700-ge jýyǵy qazaqstandyqtar. Bul týraly elorda ákimdiginen málim etti, dep habarlaıdy QazAqparat.
Atalmysh jarys TMD boıynsha birinshi ret Astana qalasynda ótkizilmek. IRONMAN trıatlony álemdegi eń kúrdeli birkúndik jarystyń túri. Qashyqtyqty baǵyndyrǵan sportshy «Temir adam» atanady.
IRONMAN 70.3 Astana jeke qatysýshylarynyń jarysy tańǵy saǵat 08.00-de bastalady, toptyq komandalar jarysy (estafetalar) saǵat 08.30-ǵa belgilengen. Qashyqtyq úsh úzdiksiz kezeńnen turady: júzý (1,9 shaqyrym), velojarys (90 shaqyrym), júgirý (21,1 shaqyrym) - jalpy uzyndyǵy 113 shaqyrym nemese 70,3 mıl.
IRONMAN jarysyna qatysqandar arasynda Olımpıada chempıony, Parlament Májilisiniń depýtaty Serik Sápıev, Olımpıada chempıony, Astana Pro Team bas menedjeri Aleksandr Vınokýrov, Astana Pro Team veloshabandozy Asan Bazaev, Olımpıada oıyndaryna qatysqan trıatlonshy Ekaterına Shatnaıa, sportshy, «Drýgoı ty» qozǵalysynyń kóshbasshysy Valıhan Ten, Kýıla-Konede IRONMAN álem chempıonatyna qatysqan Pavel Artıýshenko, «temir» qashyqtyqty 33 márte baǵyndyryp, jarys tarıhynda qalǵan trıatlonshy Tomas Dreıer (Thomas Dreher) jáne taǵy basqalary bar.
Trıatlonnan birinshi BI GROUP IRONMAN 70.3 Astana halyqaralyq jarysy aıasynda 15-17 maýsymda úzdik álemdik brendterdiń sporttyq jármeńkesi jumys isteıdi. Onda sporttyq zattar, tamaqtar, jarystyń resmı kádesyılary satylady.
16 maýsymda Astana Trıatlon Park aýmaǵynda 5-ten 17 jasqa deıingi balalar arasynda tegin IRONKIDS, sondaı-aq 10-nan 15-ke deıingi balalar arasynda IRONKIDS DUATHLON jarysy ótkiziledi.
IRONKIDS jáne IRONKIDS DUATHLON jarystary árbir IRONMAN jarysy aıasynda búkil otbasyǵa arnalǵan oıyn-saýyq retinde uıymdastyrylady. Bul asa tanymal shara jáne óskeleń urpaqty salamatty ómir saltyn ustanýǵa shaqyrady.
IRONMAN 70.3 Astana 2018 jarysy Astananyń 20 jyldyǵyna oraılastyrylǵan jáne halyqaralyq arenada elordamyzdyń ımıdjin kóterýge yqpal etedi.
Jarysty ótkizý kúni men ýaqyty: 17 maýsym, saǵat 08:00-19:00.
Ótkizý orny: Astana Trıatlon Park.
Aıta keteıik, jarystyń ótkizilýine baılanysty 17 maýsym saǵat 7:30-dan 16:30-ǵa deıin qalalyq kólik qozǵalysyna kelesi tártipte ýaqytsha ózgerister engiziletin bolady.
1. № 10 Avtobýs baǵdary
«Nursultan Nazarbaev» halyqaralyq áýejaıy» bastapqy aıaldamasynan bastap, Máńgilik El dańǵyly - Saraıshyq kóshesi qıylysyna deıin ózgerissiz, keıin Saraıshyq kóshesinen solǵa - Qabanbaı batyr dańǵylyna,Táshenov kóshesi qıylysyna, Táshenov kóshesine ońǵa, ári qaraı qoldanystaǵy qozǵalys syzbasy boıynsha.
Qarsy baǵyt, qoldanystaǵy qozǵalys úlgisi boıynsha.
2. № 15 Avtobýs baǵdary
«Temirjol» alǵashqy aıaldamasynan B. Momyshuly dańǵylynyń qıylysyna deıin - Táýelsizdik dańǵylynyń qıylysýyna deıin ózgerissiz. Ári qaraı Táýelsizdik dańǵylyna solǵa - Qoshqarbaev dańǵylyna ońǵa, keıin qoldanystaǵy qozǵalys syzbasy boıynsha.
Qarsy baǵyt, qoldanystaǵy qozǵalys úlgisi boıynsha.
3. № 47 Avtobýs baǵdary
Bastapqy aıaldama «Degelen» núktesinen B. Momyshuly dańǵylynyń qıylysyna deıin - Táýelsizdik dańǵyly boıynsha ózgerissiz, sosyn Táýelsizdik dańǵylyna solǵa, Qoshqarbaev dańǵylyna ońǵa, sodan keıin qoldanystaǵy qozǵalys syzbasy boıynsha.
Qarsy baǵyt, qoldanystaǵy qozǵalys úlgisi boıynsha.
4. № 51 Avtobýs baǵdary
Bastapqy aıaldama «№ 2 Aqmola oblystyq aýrýhanasynan» bastap, B. Momyshuly dańǵyly men Táýelsizdik dańǵyly qıylysyna deıin ózgerissiz, sosyn Táýelsizdik dańǵylyna solǵa qaraı - Qoshqarbaev dańǵylyna ońǵa, ári qaraı qoldanystaǵy qozǵalys syzbasy boıynsha.
Qarsy baǵyt, qoldanystaǵy qozǵalys úlgisi boıynsha.
5. № 56 Avtobýs baǵdary
Bastapqy «Promyshlennyı t/a» aıaldamasynan B. Momyshuly dańǵyly men - Táýelsizdik dańǵyly qıylysyna deıin esh ózgerissiz, sodan keıin Táýelsizdik dańǵylynan solǵa, Qoshqarbaev dańǵylynan ońǵa, ári qaraı qoldanystaǵy qozǵalys syzbasy boıynsha.
Qarsy baǵyt, qoldanystaǵy qozǵalys úlgisi boıynsha.
6. № 60 Avtobýs baǵdary
Bastapqy aıaldama «Arnaý TK» bastap, Máńgilik El dańǵyly men Saraıshyq kóshesi qıylysyna deıin ózgerissiz, odan keıin Saraıshyq kóshesine solǵa, Qabanbaı batyr dańǵylyna - ońǵa. Tashenov kóshesi qıylysyna ońǵa, Tashenov kóshesine solǵa. Ári qaraı qozǵalys syzbasyna sáıkes.
Keri baǵytta, alǵashqy aıaldama «Stroımart Gıpermarketinen» bastap, Aman kóshesi men Toqpanov kóshesi qıylysyna deıin ózgerissiz, ári qaraı tike Maral kópirine, keıin qoldanystaǵy qozǵalys syzbasy boıynsha.
7. № 61 Avtobýs baǵdary
«Teplotranzıt» bastapqy aıaldamasynan B. Momyshuly dańǵyly men Táýelsizdik dańǵyly qıylysyna deıin ózgerissiz, sodan keıin Táýelsizdik dańǵylymen tike - Qoshqarbaev dańǵylyna ońǵa, keıin qoldanystaǵy qozǵalys syzbasy boıynsha.
Qarsy baǵyt, qoldanystaǵy qozǵalys úlgisi boıynsha.
8. № 101 Avtobýs baǵdary
Bastapqy aıaldamasy «№ 2 Aqmola oblystyq aýrýhanasynan» bastap, B. Momyshuly dańǵyly men Táýelsizdik dańǵyly qıylysyna deıin ózgerissiz, sosyn Táýelsizdik dańǵylyna solǵa qaraı - Qoshqarbaev dańǵylyna ońǵa, keıin qoldanystaǵy qozǵalys syzbasy boıynsha.
Qarsy baǵyt, qoldanystaǵy qozǵalys úlgisi boıynsha.
9. № 104 Avtobýs baǵdary
Alǵashqy aıaldamasy «Azııa park OSO» bastap, «Máńgilik El dańǵyly men Saraıshyq kóshesi qıylysy ózgerissiz, keıin kósheden solǵa qaraı Saraıshyq kóshesine, Qabanbaı batyr dańǵylyna ońǵa. Tashenov kóshesi qıylysynan ońǵa, Tashenov kóshesinen solǵa, ári qaraı qoldanystaǵy qozǵalys syzbasy boıynsha.
Qarsy baǵyt, qoldanystaǵy qozǵalys úlgisi boıynsha.
