Astanada 45 assenızatorǵa aıyppul salyndy
ASTANA. QazAqparat - Jyl basynan beri Astana qalalyq ІІD-niń Jergilikti polıtsııa qyzmeti abattandyrý qaǵıdalaryn buzǵan 45 assenızatorlyq avtokólik júrgizýshisine 1 537 725 teńge aıyppul belgiledi.
Astana qalalyq ІІD-niń Jergilikti polıtsııa qyzmetiniń tabıǵatty qorǵaý polıtsııasy anyqtaǵan sońǵy faktilerdiń biri - 1970 jylǵy júrgizýshi basqarǵan «GAZ 53» avtokóliginiń ustalýy. Assenızator S.Seıfýllın kóshesi, 65 mekenjaıyndaǵy kárizge qaldyq sý tókken.
Mundaı quqyq buzýshylyqty 46 jastaǵy er adamnyń bir jylda birneshe ret qaıtalaǵanyn eskere otyryp, poıltsııa QR ÁQbK-niń 505-babynyń ekinshi bólimi «Abattandyrý qaǵıdalaryn buzý» boıynsha ákimshilik jaýapkershilikke tartty. Azamat D.-ǵa qatysty 30 AEK (63 630 teńge) kólemindegi aıyppul túrinde ákimshilik jaza qoldanyldy, dep habarlady ІІD jergilikti polıtsııa qyzmetiniń baspasóz qyzmeti.
