Astanada 43 jer telimin aýktsıonǵa salmaı, berip jibergen
«Prokýrorlar 162 talapty alyp tastaý jóninde bastama bildirgen, kadastrlyq quny 2 mlrd teńgeni quraıtyn jalpy aýmaǵy 9 gektardan astam ıesiz qalǵan 100 jer telimi anyqtalyp, merzimine qatysty aqaýlar tabylǵan qoldanysta joq 66 jerdiń ıesine nusqama berý derekteri anyqtaldy» delingen habarlamada.
Prokýratýrada málim etkendeı, 43 jer teliminiń paıdalaný maqsatyn ózgertý kezinde saýda-sattyq pen aqysyn tóleý protsedýrasyn aınalyp ótip, usyný derekteri anyqtaldy, sonyń saldarynan bıýdjetke 800 mln teńge kólemindegi paıda túspeı qalǵan.
Sondaı-aq, qalalyq orta sapasy jáne baqylaý basqarmasynyń qala sotyna jiberilgen talap qoıý boıynsha 17 aryzdyń 7-eýi prokýratýranyń talabymen bastaý alǵan.
Budan bólek, prokýratýranyń usynysymen maqsatty túrde qala aýmaǵyndaǵy jerge 190 mln teńge kóleminde on ese mólsherdegi salyq tólendi.
Alqa otyrysynyń nátıjesi boıynsha, qala prokýrory laýazymyn asyra paıdalanýǵa qatysty ár derekke baılanysty sotqa deıingi tergeý amaldaryn júrgizý, halyqtyń jer komıssııasyna senimin arttyrý jáne azamattarǵa jer ýchaskelerin berýde bas tartý sebepterin naqty túsindirý jóninde tapsyrma berdi.
