Astanada 43-shi halyqaralyq dástúrli mýzyka konferentsııasy (ICTM) óz jumysyn bastady (FOTO)
ASTANA. QazAqparat - Búgin Qazaq ulttyq óner ýnıversıtetinde 43-shi halyqaralyq dástúrli mýzyka konferentsııasy (ICTM) óz jumysyn bastady.
«Qazaqstan Respýblıkasy Prezıdenti Nursultan Nazarbaevtyń atynan búgingi konferentsııaǵa qatysýshylardyń barlyǵyna qosh keldińizder deımin. ICTM basshylyǵyna 43-shi Halyqaralyq dástúrli mýzyka konferentsııasyn ótkizý ornyna Qazaqstandy, onyń ishinde Astana qalasyn tańdap alǵandaryna alǵysymyzdy bildiremiz. Meniń oıymsha, bul kezdeısoqtyq emes. Sońǵy ýaqyttarda bizdiń ataqty mýzykanttarymyz Qazaqstandy jáne qazaq halqyn dúnıe júzine tanytyp júr. Olar álemdegi eń bedeldi mádenı mekemelerde óner kórsetýde. Mýzyka adamǵa kúsh-qýat, kóńil-kúı, densaýlyq syılaıdy jáne eń bastysy, ol beıbitshilik jarshysy bola alady. Mýzyka adamdardy ult pen ulysqa, memleketke bólmeıdi, kerisinshe bir-birine jaqyndata túsedi», - dep atap ótti QR Premer-Mınıstriniń orynbasary Berdibek Saparbaev óziniń alǵy sózinde.
Aıta keteıik, ICTM dúnıejúzilik konferentsııalary 1947 jyldan beri eki jylda bir ret uıymdastyrylyp kele jatyr. Mundaı jıyndar keń aýqymymen jáne dástúrli mádenıettiń álemdik qaýymdastyqpen tyǵyz baılanysýymen erekshelenedi.
Bıyl konferentsııa tuńǵysh ret Qazaqstanda uıymdastyrylyp otyr. Jospar boıynsha 16-22 shilde aralyǵynda onyń jumysyna 70 shaqty elden kelgen 800-ge jýyq mýzyka óneriniń sarapshylary men mamandary qatysady.
