Astanada 42,2 shaqyrymdyq marafon ótkiziledi
ASTANA. QazAqparat - 17 qyrkúıekte «Astana-2017 marafony» ótedi, dep habarlaıdy QazAqparat.
Feısbýktegi AstanaMedia paraqshasynyń jazýynsha, oǵan qatysýshylar óz tańdaýy boıynsha úsh túrli qashyqtyqtan ótýi tıis.
Marafon baǵyty sportshylar «Beıbitshilik jáne kelisim saraıy», «Áziret Sultan» meshiti, «Báıterek» monýmenti, Nazarbaev Ýnıversıteti, «Astana-Arena» sport kesheni sııaqty qalanyń kórikti jerlerin kóre alatyndaı etip jasalǵan.
Marafon baǵyty qalanyń negizgi kóshelerin qamtyǵandyqtan, ol kóshelerde kólik qozǵalysy saǵat 07:00 - 14:00 ýaqyt aralyǵynda shektelinedi.
Elorda turǵyndary men qonaqtaryna jeksenbi kúni kólik keptelisine túspeý úshin jumystaryńyzdy aldyn ala josparlaýdy usynamyz.
Atalmysh marafon 2009 jyly SOS «Balalar aýyly» jáne «Balalar úıi» úshin 1 mln teńgege jýyq qarjyny jınaǵan qaıyrymdylyq jarysynan bastaý alady. 2015 jyly alǵash ret 42,2 km qashyqtyqqa júgirý ótti.
Aıta keterligi, 2009 jyldan beri marafon aıasynda qaıyrymdylyq uıymdary úshin 31 mln teńge qarjy jınalǵan.
