Astanada 4000-ǵa tarta kópbalaly otbasy turady
ASTANA. 19 aqpan. QazAqparat - 2012 jyldyń sońyndaǵy esep boıynsha elordada kámeletke tolmaǵan 4 jáne odan da kóp balalary bar 3 887 otbasy, sondaı-aq, «Altyn alqa» jáne «Kúmis alqa» alqalaryn ıelengen 3 478 kóp balaly ana turady. Bul týraly astana.kz saıtynan habarlandy.
Jumyspen qamtý jáne áleýmettik baǵdarlamalar basqarmasynyń málimeti boıynsha, Astanadaǵy kópbalaly analarǵa qalalyq jáne qoǵamdyq kólikterde (taksıden basqa) tegin júrý, tegin tis protezderin (tis protezi qymbat metaldan bolmaýy qajet) saldyrý sekildi jeńildikter qarastyrylǵan. Budan bólek, 8 naýryz, Halyqaralyq áıelder kúni merekesine oraı jyl saıyn 3000 teńge mólsherinde bir rettik aqshalaı tólem jasalatyn áleýmettik kómek túrleri qarastyrylǵan.
Eske salaıyq, turmysy tómen jáne kópbalaly otbasyn qoldaý jóninde Qazaqstanda 2005 jyldyń 28 maýsymynda № 63-111 «Balaly otbasylarǵa memlekettik járdemaqy týraly» Zań shyqqan bolatyn. Osy Zańǵa sáıkes tabysy azyq-túlik sebeti qunynan tómen, asyraýynda 18 jasqa deıingi balalary bar otbasylar ár balasyna 1 aılyq eseptik kórsetkish (1731 teńge) kóleminde járdemaqy alýǵa quqylar bar. 2012 jyldyń 4 toqsanynda azyq-túlik sebetiniń jıyntyq baǵasy 11 980 teńgeni quraǵan bolatyn.
