Astanada 400-den astam mektep túlegi aldyn ala synaq tapsyrdy
ASTANA. QazAqparat - Astanada Qazaq Gýmanıtarlyq-Zań ýnıversıtetinde 400-den astam túlek UBT qarsańynda aldyn ala synaq tapsyrdy, dep habarlaıdy ýnıversıtettiń baspasóz qyzmeti.
«17 mamyrda Qazaq Gýmanıtarlyq-Zań ýnıversıtetinde aldyn ala synaq ótkizildi, oǵan Astana qalasy mektepteriniń 400-den astam túlegi qatysty», - delingen habarlamada.
Sharanyń maqsaty - Ulttyq biryńǵaı testileýge túlekterdiń psıhologııalyq daıyndyǵyn shyńdaý jáne olardyń deńgeıin anyqtaý. Sol sebepti bul kúni testileý kádimgi UBT talaptary boıynsha júrgizilgen.
Aldyn ala synaqty QazGZÝ-dyń qoǵammen baılanys jáne marketıng bólimi uıymdastyrdy.
