Astanada 400 áıel turmys barysyndaǵy zorlyq-zombylyqtan zardap shekti
ASTANA. QAZAQPARAT - Jyl basynan beri Astanada 400-ge jýyq áıel turmys barysyndaǵy zorlyq-zobmylyqtan japa shekken, dep habarlaıdy Astana ІІD-niń jergilikti polıtsııa qyzmeti.
Qańtardan beri 2,5 myń qorǵaý týraly uıǵarym shyǵarylyp, otbasylyq qarym-qatynas barysyndaǵy quqyqbuzýshylyq áreketter úshin 370 adam ákimshilik jaýapqa tartylǵan.
Otbasylyq qarym-qatynas barysyndaǵy quqyqbuzýshylyqtar men qylmystardyń aldyn alý jáne áıelder men balalardyń konstıtýtsııalyq quqyqtary men zańdy múddelerin qorǵaý maqsatynda Astana qalalyq ІІD JPQ áıelderdi zorlyq-zombylyqtan qorǵaý toby «Qorǵaý-Astana» jeke qory jáne «Zorlyq-zombylyq nemese zorlyq-zombylyq qaýpi saldarynan qıyn jaǵdaıǵa tap bolǵan adamdarǵa arnalǵan daǵdarys ortalyǵy» KMM-men yntymaqtastyqta «Otbasyndaǵy zorlyqqa jol joq!» sharasyn uıymdastyrdy.
Aktsııa barysynda uıymdastyrýshylar neke men otbasyn saqtap qalý, erli-zaıyptylar baılanysyn jaqsartý jáne kámeletke tolmaǵan balalardyń tárbıesi boıynsha ata-ana mindettemelerin durys oryndaý máselelerinde muqtaj azamattarǵa zańdyq jáne psıhologııalyq kómek kórsetti. Budan tys, kóshelerde áıelder men balalarǵa kúsh kórsetý men kemsitý máseleleri boıynsha kitapshalar men býkletter taratyldy. Jalpy, atalǵan shara aıasynda 160-tan astam adamǵa keńes berildi.
