Astanada 40-tan astam kompanııa qatysqan «Bolashaq: is-áreket áleýeti» bos oryndar jármeńkesi ótti
Taqyryptyq jármeńkede 40-tan astam jumys berýshi qatysty, onyń ishinde «Samuryq-Qazyna» UÁAQ» AQ, «Báıterek» UBH» AQ, «Ksell» AQ, «Air Astana» AQ, «Qazaqstan damý banki» AQ, «Tsesnabank» AQ, «Jınaq banki» AQ EB, «Damý» kásipkerlikti damytý qory» AQ, «Transtelekom» AQ, «Habar» agenttigi» AQ, «Qazkontent» AQ, «Nazarbaev Ýnıversıtet» DBBU, «Nazarbaev zııatkerlik mektepteri» DBBU, «Ekonomıkalyq zertteýler ınstıtýty» AQ, BI Group, «Ulttyq aqparattyq tehnologııalar» AQ, «Aýyl shraýashylyǵyn qarjylyq qoldaý qory» AQ, «Qazaqmys» korporatsııasy» JShS, KPMG, Ernst&Young, «Qazatomprom» UAK» AQ, «Ǵylym qory» AQ jáne t. b. bar.
Jármeńke maqsaty - jas mamandarǵa, «Bolashaq» baǵdarlamasynyń túlekterine mansaptyq órleýge járdemdesý. Bul maqsatqa qol jetkizý - ekonomıkanyń ár salalarynda bilikti kadrlardyń jetispeýshiligi máselesi sheńberinde óte mańyzdy.
Shara sheńberinde «Bolashaq» qaýymdastyǵy músheleriniń qatysýymen paneldik pikirtalas ótti. Oǵan «Báıterek» «Ulttyq basqarýshy holdıngi» basqarma tóraǵasy Qýandyq Bıshımbaev, «Tehnologııalyq damý boıynsha ulttyq agenttigi» AQ basqarma tóraǵasynyń orynbasary Jumataı Sálimov, «QazMunaıGaz» UK AQ saraptama jáne boljam departamentiniń dırektory Dármen Sadýaqasov, «Halyqaralyq baǵdarlamalar ortalyǵy» AQ prezıdenti Ǵanı Nyǵmetov, jáne t.b. qatysty.
«Nur Otan» partııasynyń qoǵamdyq saıasat ınstıtýtynyń dırektory Saıasat Nurbek paneldik pikirtalastyń moderatory retinde sóz sóıledi.
Paneldik pikirtalastyń qatysýshylary kishi jáne orta bıznesti qoldaý baǵdarlamasyn, ınnovatsııalar jáne tehnologııalar betalysyn, Qazaqstannyń munaı-gaz salasyn, salalyq saraptyq jelilerdiń damý máselelerin jáne basqa da ulttyq ekonomıkanań belsendi máselelerin kóterip, talqyǵa saldy.
Budan basqa jas mamandarǵa, «Bolashaq» baǵdarlamasynyń túlekterine mansaptyq damý men ósýge járdemdesýge baǵyttalǵan «Bolashaq» qaýymdastyǵynyń Mansap ortalyǵy nazarǵa usynyldy.
Strategııalyq menedjment salasynyń jas mamany, jármeńke qatysýshysy Rýstam Toqmaǵambetovtiń aıtýynsha, taqyryptyq bos oryndar jármeńkesi jas mamannyń mansaptyq súıemeldeý úrdisin júıeleýine jaǵdaı týǵyzady jáne «Bolashaq» qaýymdastyǵynyń mansap ortalyǵy mansaptyq josparlaýda mańyzdy býyn bolmaq. Sonymen qatar, shara qatysýshylarynyń aıtýynsha, taqyryptyq bos oryndar jármeńkesin ótkizý - qazaqstandyqtardyń álemdik birlestiginde básekelestiktiń basymdylyǵyn joǵarylatýǵa jaǵdaı jasaıtyn oń mansap úshin qajetti jaǵdaılar jasaıdy.
Jalpy, bos oryndar jármeńkesi mansaptyq damý jáne bilikti kadrlardyń jetispeýshiligin sheshýde, adamı jáne áleýmettik kapıtaldardy qalyptastyrý, eńbek naryǵynda suranys pen usynymdar, eldiń túrli salalarynyń damýdaǵy álemdik tehnologııalardyń transferti máseleleri boıynsha dıalogtyq alańdardy qurýda saraptyq birlestiktiń jandandyrýyna yqpal etedi.
