Astanada 40-tan astam eldiń mınıstrleri klımattyń ózgerýiniń saldaryn jeńildetý máselelerin talqylaıdy
ASTANA. Qyrkúıektiń 15-i. QazAqparat /Ernur Aqanbaı/ - Aǵymdaǵy jylǵy qyrkúıektiń 27-si men qazannyń 2-si aralyǵynda Astanada Azııa jáne Tynyq Muhıty aımaǵy óńirleri qorshaǵan ortany qorǵaý mınıstrleriniń VI konferentsııasy ótedi. Oǵan álemniń 40-tan astam elinen ókilder qatysady. Bul týraly búgin Astanadaǵy baspasóz máslıhatynda Qorshaǵan ortany qorǵaý vıtse-mınıstri Eldana Sádýaqasova aıtty.
Onyń sózine qaraǵanda, konferentsııada tómen kómirtekti damý, klımattyń ózgerýine beıimdelý, klımattyń ózgerýiniń saldaryn jeńildetý, «jasyl ekonomıkany» jáne «jasyl bıznesti» qurý máseleleri talqylanatyn bolady. Sonymen qatar, sharanyń kún tártibine jańartylatyn energııa kózderi jobasynyń energetıkalyq tıimdiligi syndy birqatar mańyzdy máseleler engizilip otyr. Sondaı-aq, konferentsııa aıasynda basqa da sharalar, máselen qorshaǵan ortany qorǵaý jónindegi jobalar men tehnologııalardyń jetistigi jónindegi kórme, semınarlar, trenıgter, dóńgelek ústelder, taqyryptyq sessııalar, sektoraralyq forýmdar uıymdastyrylady.
