Astanada 40 komanda balalar fýtzalynyń kýbogin sarapqa saldy
ASTANA. QazAqparat – Astanada fýtzaldan balalar lıgasynyń aqtyq oıyndary ótip, jeńimpazdar marapattaldy. Bıyl týrnır banktiń demeýshiligimen ótti, dep habarlaıdy QazAqparat tilshisi.
«JUSAN» SVOYA LIGA týrnıriniń jetekshisi, «SD-Family» fýtbol komandasynyń medıa-ofıtseri Danııl Pıchkarevtiń aıtýynsha, «Svoyaliga» týrnıri jylyna tórt mezgil: kúzde, kóktemde, qysta, jazda ótip turady. Bul jolǵy týrnırge 4jas sanaty boıynsha 40 komanda qatysqan.
«Lıgada astanalyq komandalardan bólek Aqmola oblysynan eki ujym oınap shyqty. Sabaq kezi bolǵandyqtan Astananyń tóńiregimen shektelýge týra keldi. Búkil Qazaqstan boıynsha osyndaı týrnır uıymdastyrsaq degen josparymyz bar.Byltyr Shymkentte osyndaı týrnır ótti. Ol kezde komandalardyń sany budan da kóp bolǵan. Ár óńirden lıga jeńimpazdaryn iriktep alyp, respýlıkalyq resmı lıga ótkizýge de bolady. Biraq oǵan búkil óńirde balalar fýtzalyna jaqsy kóńil bólinýi kerek. Keıbir qalalarda 1-2 komanda ǵana turaqty oınaıdy. Sondaı kedergiler bar. Búgin jeńimpazdar men júldegerlerge kýboktar, medalder, gramotalar, atalymdar boıynsha syılyq tabystalady», - deıdi joba jetekshisi.
Týrnırdiń qorytyndysy boıynsha, 2007-2008 jylǵy fýtzalshylar arasynda «Tselınograd» komandasy jeńimpaz atandy. Bul áýesqoı klýbtyń oıynshylary qala chempıonattarynda oınap júr. Meniń bilýimshe, ishindegi úzdikteri eresekterdiń sapyna shaqyrtý alyp júr. Bizde joǵary lıganyń deńgeıi óte bıik. Sol tárijıbeniń arqasynda bullıgada laıyqty jeńiske jetti. 2009-2010 jylǵy fýtzalshylar arasynda «Progress»-tiń tektıkalyq daıyndyǵy óz jemisin berdi dep oılaımyn. Olardyń bapkeri jyldar boıy kásibı deńgeıde oınaǵan fýtbolshy. Sondaı mamannyń tárbıesin kórgendikten jeńiske qınalmaı jetti.
2011-2012 jylǵylar arasynda arasynda «Aıbyn» men «Saırannyń» arasynda tartysty báseke boldy. Týrnır kestesinde «Saıran» alda kele jatqan. Ózara kezdesýde «Progress» jeńip, chempıondyqty julyp áketti.
«Aıbyn» men «Saıran» arasyndaǵy tartys 2013-2014 jylǵylar sanatynda taǵy qaıtalandy. Bul joly da «Aıbynnyń» mereıi ústem boldy», - deıdi Danııl Pıchkarev.
Al ata-analar uıymdastyrýshylarǵa jetkinshekterdiń qabiletin synap, sheberligin shyńdaýǵa múmkindik bergeni úshin rıza.
«Uıymdastyrýshylarǵa osyndaı týrnır ótkizip júrgenderi úshin kópten-kóp rahmet. Balamnyń aty – Abzal, jasy 10-da. Fýtbolǵa baryp júrgenine 3 jyl boldy. «Saıran» komandasynyń sapynda dop tebedi. Bapkeri – Erjan degen jigit. Balalarmen jumys isteý tásili unaıdy. Týrnırdiń orny erekshe dep oılaımyn. Balalarǵa qanat bitirip, jigerin janýǵa óte qajet. Balamnyń kompıýter aldynda telmirip otyrmaı, alańda oınap júrgeni ózine de, bizge de jaqsy. Jarys saıyn búkil otbasymyzben kelip jankúıer bolamyz. Tipti sonyń oıynyn kórý úshin ata-ájesi aýyldan arnaıy keletin kezder bolady», -deıdi Astana turǵyny Danııar Toqanov.
Aqtyq oıyndarǵa tórelik etken sýdıanyń biri Abzal Jarasovtyń ózi de fýtboldan áli qol úzbepti. Sóz arasynda ol ózini bala kezinde balalar fýtbolyna,onyń ishinde fýtzalǵa dál mundaıkóńil bólinbegenin aıtady.
«Búginniń ózinde ǵana 3 oıynǵa qazylyq ettim. «Svoyaliga» týrnıri jyldan jylǵa aýqymyn keńeıtip keledi. Balalardyń deńgeıi de ósip keledi. Osy keshende osymen úshinshi jyl ótip jatyr. Jarystyń deńgeıi óskenine aýladaǵy alańshadan «Saıran» stadıonyna kóship jatqanymyz dálel», - deıdi tóreshi Abzal Jarasov.
Jeti márte «Altyn dop» ıegeri Leonel Messıdeı fýtbolshy bolsam degen armanyna «JUSAN» SVOYA LIGA týrnıri arqyly jol salyp bastaǵan talapshyl jastyń biri – Nurtileý Qurmanbaı.
«Fýtboldy 6 jasymnan bastap oınaımyn. Fýtbolǵa alǵash aǵam ákelgen bolatyn. Fýtzalda artqy shepte oınaımyn. Solaqaı bolǵandyqtan, oń jaq artqy shepti jaýyp ustaý meniń mindetim. Al úlken fýtbolda sol qaptaldyń qorǵaýshysy, ortalyq qorǵaýshy ampýlarynda oınaı beremin. Osnydaı týrnırler arqyly ózimdi damytyp, kásibı fýtbolshy bolǵym keledi. Qazaqstan quramasynan Bahtıer Zaınýtdınovti, álem boıynsha Leonel Messıdi úlgi tutamyn», - deıdi bolashaq fýtbolshy.
Onyń paıymynsha, balalar fýtbolynyń damýy úshin arnaıy alańdar men zaldardan bólek bási joǵary týrnırler kóbirek kerek.
«SVOYA LIGA»-da bizdiń negizgi básekelesterimizben kúsh synasýǵa múmkindik týady. «Progress», «Aıbyn» «Tselınograd» sııaqty qaladaǵy bizge qarsylas komandalarmen neǵurlym jıi kezdessek, soǵurlym mol tájirıbe jınaımyz. Bul joly bizdiń komanda ekinshi oryn aldy. Aqtyq oıynda «Progress»-ke ese jiberip aldyq», - deıdi Nurtileý Qurmanbaı.
Sonymen, «JUSAN» SVOYA LIGA týrnıriniń qorytyndysy kestesi bylaısha órildi:
2007-2008 jylǵylar:
1 oryn – «Tselınograd»
2 oryn – «Saıran»
3 oryn – «Progress»
Bul sanattaǵy «Úzdik oıynshy» – Zańgar Amanov (Tselınograd).
«Úzdik shabýylshy» – Álibek Torǵaýytov (Saıran)
«Úzdik qorǵaýshy» – Amanjan Orynbasar (Progress)
«Úzdik qaqpashy» – Mırhat Tileýkenov (Balalar fýtbol ortalyǵy)
2009-2010 jylǵylar:
1 oryn – «Progress»
2 oryn – «Saıran»
3 oryn – «Aıbyn»
Bul sanattaǵy «Úzdik oıynshy» – Sanjar Qalı (Progress)
«Úzdik shabýylshy» – Davıd Golev (Tselınograd)
«Úzdik qorǵaýshy» – Ańsar Nuqyshev (Aıbyn)
«Úzdik qaqpashy» – Asyljan Aıapbergenov (Saıran).
2011-2012 jylǵylar:
1 oryn – «Aıbyn»
2 oryn – «Saıran 2011»
3 oryn – «Saıran 2012/Everest»
Bul sanattaǵy «Úzdik oıynshy» – Medet Qusaıynov (Aıbyn)
«Úzdik shabýylshy» – Temirálı Qasymjan (Saıran)
«Úzdik shabýylshy» – Álmansur Eleý (Saıran)
«Úzdik qorǵaýshy» – Dáýlet Úmbetálıev (Everest)
«Úzdik qaqpashy» – Ilıa Basenko
2013-2014 jylǵylar:
1 oryn – «Aıbyn»
2 oryn – «Everest»/«Roıal»/«Saıran 2013»
3 oryn – «Everest»/«Roıal»/«Saıran 2013»
Bul sanattaǵy «Úzdik oıynshy» – Álıhan Serikbaı (Aıbyn)
«Úzdik shabýylshy» – Álim Samat (Everest)
«Úzdik qorǵaýshy» – Danıla Berezýtskıı (Royal)
Foto: sports.kz
