Astanada 4 temir-tersek qabyldaıtyn oryn jabyldy
NUR-SULTAN. QazAqparat – Elorda polıtsııasy 4 temir-tersek qabyldaıtyn oryndy jaýyp, 5 tonna zańsyz jınalǵan metaldy tárkiledi, dep habarlaıdy QazAqparat qalalyq polıtsııa departamentine silteme jasap.
«Túrli tústi metal» jedel-saýyqtyrý arnaıy is-sharasy qara jáne tústi metall urlyǵynyń aldyn alýǵa baǵyttalǵan, sondaı-aq temir-tersek qabyldaıtyn oryndar tekseriledi. Qalada osyndaı 60 oryn tekserilip, zańsyz kásipkerlikpen aınalysqan 4 oryn, 5 tonna qara jáne túrli tústi metall tárkilendi», delingen habarlamada.
Oıjaılaý kóshesindegi metall synyqtaryn qabyldaıtyn oryndy tekserý kezinde, polıtsııa avtomobıl akkýmlıatorlaryn, kóliktiń temir dıskilerin, qurylys saımandaryn, velosıped jáne taǵy basqa da kóptegen múlikterdi tárkiledi. Osy múlikter boıynsha tekserý júrgizilip jatyr.
Tekserý nátıjesimen túrli quqyqbuzýshylyq boıynsha 40 adam ákimshilik jaýapkershilikke tartyldy, 4 metall synyqtaryn qabyldaý ornynyń ıesine Ákimshilik-quqyqbuzýshylyq kodeksiniń 463-babymen ákimshilik óndiris qozǵaldy.
Qazirgi ýaqytta is-shara jalǵasýda, zańsyz temir-tersek qabyldaý qyzmetin anyqtaý jáne toqtatý úshin sharalar qolǵa alynýda.
