Astanada 4 myń adam qazaqtyń «Qarajorǵa» ulttyq bıin oryndady
ASTANA. Qyrkúıektiń 21-i. QazAqparat /Jasulan Amanbaıuly/ - Búgin, qyrkúıektiń 21-i kúni Qazaq gýmanıtarlyq zań ýnıversıtetiniń Femıda alańynda tuńǵysh ret ulttyq patrıottyq «Qarajorǵany birge bıleıik!» aktsııasy ótkizildi.
Aktsııa barysynda QazGZÝ stýdentteri men ustazdary, sany 4 myńnan asatyn adam femıda alańynda bir mezgilde qazaqtyń bıi - «Qarajorǵany» bıledi. Ýnıversıtettiń bul bastamasyn qaladaǵy L.N.Gýmılev atyndaǵy Eýrazııa ulttyq ýnıversıtetiniń stýdentteri men oqytýshylary da qoldap, tústen keıin dál osyndaı sharany uıymdastyrýǵa daıyndalýda.
QazGZÝ-niń prezıdenti Maqsut Nárikbaevtiń aıtýynsha, aktsııa «Qarajorǵa» bıi arqyly halyqtyń ulttyq sezimin, jastardyń patrıottyq sezimderin oıatý jáne «Qarajorǵa» bıin dáripteý úshin jasalyp otyr.
«Qarajorǵa bıiniń áýeni, bılegen kezdegi is-áreket qımyldary halyqqa qonymdy. Bıde qazaq ultynyń rýhyn oıatatyn, qýat beretin áýendi kúsh bar», dedi M.Nárikbaev.
Ýnıversıtet prehzıdenti keleshekte bul aktsııany ýnıversıtetterdiń kóleminde shektelmeı, Astanadaǵy «Báıterek» monýmenti aldynda 200 myńǵa tarta adamdy jınap «Qarajorǵany» bılep shyǵýdy usynatyndyqtaryn jetkizdi.
