Astanada 4 mln teńgeniń dúnıesin qoldy etken ury ustaldy
NUR-SULTAN. QazAqparat – Polıtsııa «Páter» jedel-profılaktıkalyq sharasy barysynda 26 jastaǵy uryny qolǵa túsirdi, dep habarlaıdy QazAqparat Nur-Sultan qalasy Polıtsııa departamentiniń baspasóz qyzmetine silteme jasap.
Tergeý barysynda kúdiktiniń 2019 jyldyń shilde aıynda balkonnyń plastık terezesin buzyp, kottedjge kirip, altyn jáne gaýhar tas buıymdaryn, sondaı-aq aqsha urlaǵany anyqtaldy. Jalpy shyǵyn somasy 4 mln teńgeni quraǵan.
Búginge deıin tergeýden jasyrynyp, halyqaralyq izdeýde bolǵan kúdikti jedel izdestirý sharasy barysynda qolǵa túsirildi.
Qazirgi ýaqytta kúdikti PD-niń ýaqytsha ustaý ızolıatorynda. QR QK 188-baby boıynsha sotqa deıingi tergeý júrip jatyr. Polıtseıler azamattan urlanǵan altyn buıymdardy taýyp, ıesine qaıtardy.
Nur-Sultan qalasynyń Polıtsııa departamenti 2020 jyldyń basynan páter tonaý aýyr qylmys túrine jatqyzylǵanyn eskertedi. Endi, mundaı urlyq jasaǵandardy úsh jyldan jeti jylǵa deıin bas bostandyǵynan aıyryp, múlkin tárkileıdi jáne tatýlasý múmkindigi joq.
