Astanada 4 mıllıon teńgeden astam aqsha ákele jatqan ınkassatorǵa shabýyl jasaldy
ASTANA. QazAqparat - Astananyń ortalyǵynda búgin tańerteń ınkassatorǵa shabýyl jasaldy. Elordadaǵy uıym qyzmetkerleriniń birinen belgisiz bireý 4 mln-nan astam teńgesi bar sómkeni julyp áketpek bolǵan, dep habarlady Astananyń ІІD baspasóz qyzmeti.
Qalanyń ІІD-nen habarlaǵandaı, ınkassator termınaldardan tólemderdi jınap, aqsha alǵan. Respýblıka dańǵyly men Abaı kóshesiniń qıylysynda oǵan belgisiz er adam shabýyl jasaǵan. Bolǵan jaǵdaı týraly habarlama polıtsııaǵa shamamen tańǵy 10:00 kezinde túsken.
Inkassator shabýyl jasaǵan adamǵa qarsylyq kórsetip, travmatıkalyq tapanshadan uryny shoshytý úshin aýaǵa oq atqan. Osydan keıin shabýyldaýshy izin sýytqan.
ІІD baspasóz qyzmetinen atap kórsetkendeı, kúdiktiniń kim ekeni anyqtaldy. Ony ustaý boıynsha sharalar júrgizilýde.
