Astanada 4 mamyrda daýyl turýy yqtımal
ASTANA. QazAqparat - Astana, Aqmola jáne Soltústik Qazaqstan oblystarynda eskertý jarııalandy, dep habarlaıdy QazAqparat.
«Qazgıdromet» RMK aqparaty boıynsha, 4 mamyrda Aqmola oblysynda jańbyr jaýady. Ońtústik-batys, batystan jel soǵyp, onyń jyldamdyǵy 15-20 m/s, keı jerlerde 23-28 m/s bolady. Keı jerlerde naızaǵaı oınap, daýyl bolady, burshaq jaýýy yqtımal.
Astanada 4 mamyrda ońtústik-batys, batystan jel soǵyp, jyldamdyǵy 15-20, kúndiz onyń ekpini 23 m/s bolady. Daýyldyń yqtımaldyǵy 90-95 %.
4 mamyrda kúndiz Soltústik Qazaqstan oblysynda ońtústik-batys, batys jeliniń jyldamdyǵy 15-20, keı jerlerde ekpini 23-28 m/s bolýy múmkin. Qatty jańbyr jaýady dep boljanýda. Keı jerlerde naızaǵaı oınap, burshaq túsýi múmkin.
Petropavlda 4 mamyr kúni kúndiz ońtústik-batys, batys jeli turyp, onyń jyldamdyǵy 15-20, ekpini 25 m/s bolady. Jańbyr jaýyp, naızaǵaı oınap, burshaq túsýi yqtımal.
