Astanada 4 kólik soqtyǵysty (FOTO)
ASTANA. QazAqparat - Elordada 10 qyrkúıek, saǵat túngi 22:00 shamasynda sol jaǵalaýda, Oqýshylar saraıy mańynda 4 kólik soqtyǵysqan jol apaty boldy.
Deý Neksıa avtokóligi ıesiniń aıtýynsha, jol apatyna sebep bolǵan - Toıota júrgizýshisi. Sonyń kesirinen dereý toqtap, oǵan BMV kóligi kelip soǵylǵan.
Sonyń kesirinen taǵy da eki: Shkoda jáne Sýbarý kólikteri kelip soǵylǵan. Zardap shekkender men jaraqattanǵandar joq.
Kólik júrgizýshileriniń aıtýynsha, olar uzaq ýaqyt jol polıtsııasy qyzmetkerlerin kútken.
