Astanada 4 aılyq náresteni jylý qubyryna tastap ketken
ASTANA. QazAqparat - Elordada jylý qubyrynan tabylǵan náresteniń ata-anasyn anyqtaý jumystary júrgizilip jatyr. Bul týraly Astana qalasynyń Іshki ister departamenti habarlaıdy.
«Bıyl 12 qyrkúıekte saǵat 07:00-de Esenberlın kóshesi 3-úıdegi jylý qubyrynan 3-4 aılyq ul bala tabylǵan. Náreste aq tústi túkti kórpege oralǵan. Ústinde qoshqyl jasyl tústi bodı bolǵan jáne aq jaıalyqqa oralǵan. Astana qalalyq Іshki ister departamenti atalmysh fakti boıynsha QR QK 119-baby «Qaýipti jaǵdaıda qaldyrý» boıynsha sotqa deıingi tergeý jumystaryn bastady. Onyń barysynda tabylǵan sábıdiń ata-anasyn, sondaı-aq bolǵan oqıǵanyń kýágerlerin anyqtaý boıynsha keshendi sharalar júrgizilip jatyr» delingen habarlamada.
Polıtsııa qyzmetkerleri náresteni Mamandandyrylǵan balalar úıine berdi.
Osy oqıǵaǵa qatysty kez kelgen aqparatty biletin tulǵalar myna telefondar boıynsha Astana qalalyq Іshki ister departamentine habarlaýy qajet: 8 (7172) 71-66-11, 71-66-10, 71-66-49, 71-66-58, uıaly tel.: 8-747-580-71-78 nemese 102.
