Astanada 4-7 shilde aralyǵynda avtobýstar merekelik is-sharalar aıaqtalǵansha qatynaıtyn bolady

Bul týraly astana.kz saıtyna Astana qalasynyń Jolaýshylar kóligi jáne avtomobıl joldary basqarmasynan málim etti.

«Merekelik is-sharalar kezinde 4-nen 7 shildege deıin qoǵamdyq kólikter barlyq is-sharalar aıaqtalǵansha qatynaıtyn bolady. Olar: № 10, 12, 27, 30, 40, 43, 41, 4, 14, 21 avtobýs baǵdarlary»,- delingen vedomstvo habarlamasynda.

Eske salaıyq, Astananyń 15 jyldyq mereıtoıyna arnalǵan merekelik is-sharalardy ótkizýge baılanysty qalanyń birqatar kóshelerinde 4-nen 8 shildege deıin kólik qozǵalysy shekteledi.

4 shildede Táýelsizdik dańǵylynda A.Baıtursynov kóshesinen Jumeken Nájimedenov kóshesine deıingi joldy Obaǵan kóshesi arqyly aınalyp ótý usynylady;

6 shildede Qazaqstan estrada juldyzdarynyń qatysýymen myna baǵdarlar boıynsha: Respýblıka dańǵyly - Qabanbaı Batyr dańǵyly - Qonaev kóshesinde sherý ótedi. Osyǵan baılanysty 08.30-dan 11.00-ge deıin Respýblıka dańǵylynda S.Seıfýllın kóshesinen A. Baraev kóshesine deıin;

10.30-dan 12.00-ge deıin - Qabanbaı batyr dańǵylynda A.Baraev kóshesinen Dostyq dańǵylyna deıin, Qonaev kóshesinde Turan dańǵylynan Orynbor kóshesine deıin kólik qozǵalysy toqtatylady.

Jol qaýipsizdigin qamtamasyz etý maqsatynda mereke kúnderi 450 qyzmetker men 80 avtomashına tartylyp, jol polıtsııasynyń jeke quramy kúsheıtilgen jumys tártibine kóshiriledi, dep atap kórsetedi qalalyq jol polıtsııasy.

Kólik quraldary, sonyń ishinde qoǵamdyq kólikterdiń qozǵalys baǵdarlaryn retteý maqsatynda jol polıtsııasy ózińizdiń júris baǵytyńyzdy aldyn ala aıqyndap, shekteý qoıylǵan jol telimderin aınalyp ótýdi usynady.