Astanada 393 kelimsek anyqtaldy
ASTANA. 5 qazan. QazAqparat - «Kelimsek» jedel aldyn alý is-sharasy barysynda mekendeý erejesin buzǵan 393 shetel azamaty ákimshilik jaýapkershilikke tartyldy, onyń ishinde bireýi eline qaıtarylyp, ekeýi eline qaıtarý sheshimin oryndamaǵany úshin jaýapqa tartyldy.
Astana qalasy ishki ister departamenti baspasóz qyzmetiniń habarlaýynsha, ákimshilik jaýapqa tartylǵandardyń arasynda sheteldik jumys kúshin tartý jáne paıdalaný erejelerin buzǵan QR 170 azamaty da bar. Sondaı-aq qujatsyz jáne tirkeýsiz turǵan 114 qala turǵyny anyqtaldy. Qujatsyz júrgen 161 shetel azamaty qabyldaý-taratý ornyna qamaýǵa alyndy.
Astana aýmaǵynda «Kelimsek» jedel aldyn alý sharasy aǵymdaǵy jyly 28 qyrkúıek pen 6 qazan aralyǵynda QR elordasynda zańsyz turyp jatqan azamattardy, sondaı-aq shetel azamattarynyń zańsyz kóship-qonýyna qarsy turý maqsatynda ótkizilgen bolatyn. Bul sharaǵa ishki ister organdary men qurylymdarynyń qyzmetkerleri jumyldyryldy.
