Astanada 38 eldiń belgili dzıýdoshylary baq talastyrady
ASTANA. QazAqparat - 10-12 qazan aralyǵynda Astanada dzıýdodan Gran-prı jarysy ótedi. Bul týraly búgin elordada osy sporttyq sharanyń uıymdastyrýshylary habarlady.
Jarys «Saryarqa» velotrekinde ótedi. Oǵan álemniń 38 elinen 366 sportshy qatysady dep kútilýde. Olar 7 salmaq dárejesinde tartysqa túsedi. Qazaqstan tarapynan bul dodada 52 sportshy baqtaryn synaıdy. Olardyń arasynda 2009 jylǵy álem chempıony Maksım Rakov, 2013 jylǵy álem chempıonatynyń kúmis júldegeri Azamat Muqanov, 2014 jylǵy Azııa oıyndarynyń chempıony Eldos Smetov jáne basqa da belgili sportshylar bar.
Dzıýdodan osyndaı deńgeıdegi jarys elordada alǵash ret ótkizilýde. Bul báseke Olımpıada oıyndaryna upaı jınaý úshin lıtsenzııalyq sporttyq shara bolyp tabylady.
