Astanada 370 aýla jóndeýden ótedi
ASTANA. QazAqparat - Qala əkimdigi aýlalar men oramdar ishindegi aýmaqtardy jaıly etý, sporttyq balalar alańqaılaryn damytý baǵdarlamasyn júzege asyrýda, dep jazady ákimniń saıty.
Bıyl sporttyq, balalar jəne jastar jattyqtyrý quraldaryn, parkıngterdi, trotýarlardy biriktiretin barlyǵy 370 aýla jóndeledi, 40 qoǵamdyq keńistik salynady.
Əkim Esil aýdanyna issapary barysynda birneshe aýlalarǵa baryp, onda birqatar jańa alańqaılar men abattandyrý júrgizilip jatqan aýlalar ashyldy.
Əset Isekeshev "Qulager" 1, 2 turǵyn úı kesheninde jańa aýlanyń ashylýyna qatysty.
Keshen turǵyn úılerdi súrý baǵdarlamasy aıasynda salynǵan.Qazirgi ýaqytta aýla tolyǵymen abattandyrylǵan, joldar tóselgen. Bul jerde kópfýnktsıonaldy jattyǵý quraldary, sporttyq alańdary, sáýlettik pishinder ornatylǵan. Turǵyndar memleket basshysyna júrgizilgen jumystar úshin alǵys bildirdi.
Turǵyndardy qala kúnimen quttyqtaý sózinde Elbasynyń astanalyqtardyń ómirin jaıly etý, sportty damytý, balalarǵa jaǵdaı jasaý, jastardy qoldaý baǵytynda tapsyrma bergenin aıtty. Budan bólek E-16 kóshesinde ornalasqan, qazirgi ýaqytta 1600 páter salynǵan turǵyn úı keshenin kórdi.
Jaqynda bul jerde balalar alańy salynady. Qala basshysy turǵyndarmen kezdesip, qoıylǵan suraqtardyń sheshý joldaryn talqylady. Odan keıin joldardy jóndeý, aıaldamalardy ornatý jyldam arada retke keltirý boıynsha tapsyrmalar berildi.
Aıta keteıik, kúni keshe "Saryarqa" aýdanynda aýla ashylǵan bolatyn. Qazirgi tańda oramdar arasynda aýlalar men joldar jóndelgen.
