Astanada 36 jastaǵy er adam 76 keli marıhýanamen ustaldy
ASTANA. 6 qyrkúıek. QazAqparat - Astana aýmaǵyna esirtkini ákelý jáne ony taratý joldaryn kesýge baǵyttalǵan shuǵyl-izdestirý sharalary kezinde Astana qalasynyń ІІD esirtki bıznesimen kúres basqarmasynyń qyzmetkerleri 36 jastaǵy er adamdy ustady, onyń jaldamaly páterinen jalpy salmaǵy 76 keliden asyp jyǵylatyn 4 dorbaǵa toltyrylǵan marıhýana tárkilendi.
Qazirgi ýaqytta Astana qalasy ІІD-niń esirtki bıznesimen kúres basqarmasynyń qyzmetkerleri qala aýmaǵyna esirtkini ákelý jáne ony taratý joldaryn kesýge baǵyttalǵan shuǵyl-izdestirýdiń keshendi sharalaryn ótkizýde, sondaı-aq ustalǵandardyń basqa da esirtkige baılanysty qylmystarǵa qatystylyǵy tekserilýde.
