Astanada 3500 oryndyq úsh mekteptiń qurylysy bıyl aıaqtalady
ASTANA. 29 shilde. QazAqparat -2013 jyly Astanada iń qurylysyn aıaqtaý josparlanǵan. Bul týraly astana.kz saıty elordalyq Bilim basqarmasyna silteme jasap habarlady.
«Elordada 3500 oryndyq úsh mekteptiń qurylysyn jyl sońyna deıin aıaqtaý josparlanǵan, atap aıtqanda, Jeleznodorojnyı kentindegi 1100 oryndyq mektep, №19 kósheniń boıyndaǵy 1200 oryndyq jáne «Batyǵaı» turǵyn úı kesheninde jobalanǵan 1200 oryndyq mektepter»,-delingen habarlamada.
Budan bólek, bıyl 6 myń oryndyq jańa 5 mekteptiń qurylysy bastaldy. Mektepterdiń biri № 41 kóshe men Mırzoıan kóshesiniń qıylysynda, ekinshisi - №50 kóshe men Sh.Qaldaıaqov kósheleriniń qıylysynda ornalasqan. Taǵy da bir jańa mektep Jumabaev kóshesiniń shyǵysyna qaraı Saraıshyq kóshesimen qıylysta oryn tebedi. Túrkistan, Kereı, Jánibek handar jáne Orynbor kósheleriniń kvartalynda, sondaı-aq, Orynbor, Eńbekshiler jáne Kereı, Jánibek handar kósheleriniń qıylysynda da bilim ordalary salynady.
Jalpy, Astana qalasy Bilim basqarmasynyń habarlaýynsha, búgingi tańda qaladaǵy 82 mektep nysanynda 86 663 bala bilim alady. Sonyń ishinde, 70 mektep memlekettiń menshiginde, 12 - jeke menshikti mektep. Astanada memlekettik tilde bilim beretin 24 mektepte 29 myń 523 bala oqıdy. Orys tilinde oqytatyn 10 mektepte 9 067 oqýshy bilim alsa, 36 aralas mektepte 44 978 oqýshy bar.
