Astanada 35 myńǵa jýyq qala turǵyny tazalyqqa shyqty
ASTANA. KAZINFORM - Astanada «Tazarý» aýqymdy jalpyulttyq aktsııasy ótti. Oǵan 35 myńǵa jýyq qala turǵyny, eńbek ujymdary, qoǵamdyq uıymdar, bıznes ókilderi, jastar, eriktiler, aýdan belsendileri qatysty. Bul týraly Astana ákimdiginiń resmı saıty habarlady.
Aktsııaǵa qatysýshylardyń árqaısysy elordada tazalyq pen tártipti qamtamasyz etýge óz úlesin qosty. Qala turǵyndary búkil kireberistermen óz aýlalaryn tazartý úshin shyqty.
Merdigerlik uıymdar shaǵyn sáýlet nysandaryn, eskertkishter men músindik qurylystardy, qoqys alańdary men konteınerlerdi jýý jáne qalpyna keltirý jumystaryn júrgizdi.
«Qalany jalpy jınaý kezinde bes aýdannyń árqaısysynda aıaldama keshenderin, trotýarlardy, qorshaýlardy, jaryqtandyrý tirekterin jýý jáne tazalaý jumystary júrgizildi. Aktsııa aıasynda aýlalar men kósheler, sondaı-aq aryqtar qar men qoqystan tazartyldy» - delingen habarlamada.
Elordada jalpy 60 myńǵa jýyq tonna qoqys jınalyp, shyǵaryldy.
Tazalanǵan aýmaqtyń aýdany 52 mln sharshy metrden asady.
Іs-sharaǵa 1000 arnaıy tehnıka birligi jáne 2300 jol jumysshysy jumyldyryldy.
Polıgonǵa barlyǵy 60 myń tonna qaldyq shyǵaryldy.
Bıyl Qazaqstanda Naýryz 10 kún boıy atalyp ótýde. 23 naýryz Naýryznamnyń onkúndigindegi tazartý jáne jańarý kúni dep ataldy.
