Astanada 34 jyl bolmaǵan aptap ystyq rekordy jańardy
ASTANA. KAZINFORM — 14 shildede Astanada aýa temperatýrasy +38,6°C-qa jetip, 1992 jyly osy kúni tirkelgen rekord jańardy. Bul týraly Qazgıdromet RMK Kazinform agenttiginiń saýalyna bergen jaýabynda málim etti.
Qazgıdromettiń málimetinshe, bul — 14 shilde kúngi aýa temperatýrasynyń jańa rekordy.
— Qazgıdromet baqylaý jelisiniń derekterine sáıkes, 2026 jylǵy 14 shildede Astanada 14 shilde kúngi aýa temperatýrasynyń jańa rekordy tirkeldi. Aýanyń eń joǵary temperatýrasy +38,6°C-qa jetip, 1992 jyly tirkelgen +35,3°C kórsetkishten 3,3 gradýsqa joǵary boldy, — delingen kásiporynnyń resmı jaýabynda.
Eske salaıyq, buǵan deıin Qazaqstanda aptap ystyqtyń jıileýine klımattyń ózgerýi qalaı áser etip jatqany týraly taldamalyq materıal jarııalanǵan edi.
