Astanada 34 myńǵa jýyq kópbalaly ana birjolǵy áleýmettik tólem alady

ASTANA. KAZINFORM — 8 naýryz Halyqaralyq áıelder kúnine oraı elordada 34 myńǵa jýyq kópbalaly analar birjolǵy áleýmettik tólem alady, dep habarlaıdy Astana ákimdiginiń resmı saıty.

Astana qalasynyń Jumyspen qamtý jáne áleýmettik qorǵaý basqarmasy 2023 jylǵy 3 qazandaǵy № 84/10-VIII jergilikti bıýdjetten Astana qalasynyń Maslıhatymen bekitilgen Astana qalasynda áleýmettik kómek kórsetýdiń, onyń mólsherlerin belgileýdiń jáne muqtaj azamattardyń jekelegen sanattarynyń tizbesin aıqyndaý qaǵıdasyna sáıkes, 8 naýryz Halyqaralyq áıelder kúnine oraı Astana qalasynyń kóp balaly otbasylaryna, kóp balaly analarǵa, onyń ishinde az qamtylǵan analar bolyp tabylatyn 34 myńǵa jýyq azamatshaǵa 2,5 AEK (9230 teńge) mólsherinde birjolǵy áleýmettik kómek tólenedi.

«Tólem „Azamattarǵa arnalǵan úkimet“ memlekettik korporatsııasy» Kommertsııalyq emes aktsıonerlik qoǵamynyń Áleýmettik tólemder ortalyǵynyń tizimderi negizinde Astanada tirkelgen jáne turaqty turatyn kóp balaly otbasylarǵa, kóp balaly analarǵa, onyń ishinde az qamtylǵan analarǵa júrgiziledi» - delingen habarlamada.