Astanada 33 jańajyldyq shyrsha ornatyldy
NUR-SULTAN. QazAqparat - Jańa jylǵa oraı Nur-Sultan qalasynyń ár jerinde 33 jańajyldyq shyrsha ornatyldy, dep habarlaıdy QazAqparat.
22 jeltoqsanda elordada barlyq shyrshalardyń shamyn jaǵý sharasy ótken bolatyn.
Shyrshalardyń biri EKSPO qalashyǵynyń aýmaǵynda ornalasqan, bıiktigi – 25 metr. Jasandy shyrsha 1200 shar, qardyń 250 shaǵyn jáne 20 kompozıtsııalyq formasymen túrli-tústi etip bezendirilgen.
«Shyrsha keremet, óte ádemi jaryqtandyrylǵan. Merekelik kóńil-kúı syılaıdy. Óte unady. Otandastarymyzdy merekemen quttyqtaımyz, kele jatqan 2021 jyl barlyǵyna sáttilik, jaqsylyq, baqyt pen densaýlyq ákelsin», - deıdi elorda turǵyndary.
Sondaı-aq Sanıtarlyq-epıdemıologııalyq baqylaý departamenti halyq kóp shoǵyrlanǵan jerlerde karantın talaptaryn qatań saqtaýǵa shaqyrady.
«Jańa jyl qarsańynda elorda turǵyndary úshin vıdeoquttyqtaýlar uıymdastyrylady. Rolıkterge tanymal adamdar, qazaqstandyq estrada juldyzdary, akterler jáne taǵy basqalary qatysady», - dedi qala ákimdiginiń baspasóz qyzmetinen.
Eske salaıyq, jaqynda Nur-Sultanda qoldan toqylǵan bıiktigi 6 metr shyrsha paıda bolady. Qazir munda elimizdiń túkpir-túkpirinen kelgen sheberler jumys jasaýda.
«Sondaı-aq «Úıdegi shyrshany bezendirý» fleshmoby aıasynda árkim óziniń telefonyna vıdeo nemese foto túsirip, Nur-Sultan ákimdiginiń paraqshasyn belgileı otyryp áleýmettik jelilerde #Meıirimdibolýádet, #Dobrotaobrazjıznı, #Modnobytdobrym heshtegimen jarııalaı alady», - dedi elorda ákimdiginen.
