Astanada 32 palýan «Qazaqstan barysy» ataǵyna talasady
ASTANA. 11 shilde. QazAqparat - Qazaqstanda Prezıdenti N.Á.Nazarbaevtyń júldesine qazaq kúresinen ekinshi respýblıkalyq týrnıriniń irikteý kezeńi aıaqtaldy,
dep habarlady QR Sport jáne dene shynyqtyrý isteri agenttiginiń baspasóz qyzmetinen.
Іrikteý jarystary Astana jáne Almaty qalalary men elimizdiń barlyq oblystarynda aıaqtaldy.
Onyń qorytyndysy boıynsha, ár aımaq atynan 2 palýan elordada ótetin sheshýshi týrda baq synaıdy. 2012 jyldyń 22 kyrkúıeginde Astanada 32 palýan «Qazaqstan barysy» ataǵyna talasady. Jarys 74 keliden joǵary salmaq dárejesinde ótedi.
Týrnırdiń basty júldesi - «taıtuıaq» jáne Altyn belbeý. Oǵan qosa, jeńimpaz 150 myń AQSh dollaryn ıelenedi. Ekinshi, úshinshi oryn alǵandar kúmis pen qola medal jáne aqshalaı syıaqy alady.
Ulttyq qazaq kúresinen ótetin týrnırdiń negizgi maqsaty - qazaq kúresin damytý jáne jastardy ulttyq salt-dástúrge dáripteý. Sonymen qatar, qazaq kúresin jazǵy Olımpıada men Azııa oıyndaryna qosý jospary bar.
Byltyr 20 tamyzda Qazaqstanda «Qazaqstan barysy» І respýblıkalyq týrnıri 64 palýannyń qatysýymen ótkeni belgili.
Onda júlde qory 250 myń AQSh dollaryn qurady. Altyn belbeý qyzylordalyq Ulan Rysqulǵa, kúmis belbeý jambyldyq Beıbit Ystybaevqa, qola belbeý shyǵysqazaqstandyq Shalqar Jolamanovqa buıyrdy.
Uıymdastyrýshylar: QR Sport jáne dene shynyqtyrý isteri agenttigi, QR Mádenıet jáne aqparat mınıstrligi, Qyzylorda oblysy ákimdigi, «Qazaqstan barysy» Qazaq kúresin damytý qoǵamdyq qory, Qazaq kúresi federatsııasy.
Týrnırdiń bas demeýshisi - «Samuryq-Qazyna» UÁQ. Týrnır týraly tolyǵyraq www.kazakhstanbarysy.kz saıtynan bilýge bolady.
