Astanada 32 500 sharshy metrlik muz aıdyny salynady
ASTANA. 10 jeltoqsan. QazAqparat - Astanada qysta qala turǵyndary úshin jalpy aýdany 32 500 sharshy metrlik úlken muz aıdyny salynady.
Bul týraly astana.kz saıtyna Almaty aýdany ákimi apparatynan habarlady.
«Ústimizdegi jyly Almaty aýdanynda Aqbulaq ózeninde jalpy aýdany 32 500 sharshy metr muz aıdynyn salý kózdelgen. Astanalyqtarǵa yńǵaıly bolýy úshin aıdynda konkıdi jalǵa alý jáne tamaqtaný oryndary ashylady», - dep habarlady ákimdikten.
Aýmaq bıiktigi 250 sm shyny talshyqtan jasalǵan 13 fıgýramen bezendiriledi, sonymen qatar, LED ekran ornatylady, al aıdynnyń jumysyn uıymdastyrý úshin ákimshilik jumys isteıtin bolady. Budan basqa, Almaty aýdanynda mektepterdiń aýmaǵynda 9 kort: №5 mektep gımnazııada 2 kort, №27 OM 2 kort, №28, №30, №31, №32 jáne №53 orta mektepterde bir-bir korttan salynady.
Sonymen qatar, qala turǵyndarynyń demalysyn uıymdastyrý úshin «Jeruıyq» saıabaǵynda konkıdi jalǵa alý oryndarymen muz aıdynyn salý kózdelgen.
