Astanada 31 jeltoqsan kúni qandaı is-sharalar ótedi

ASTANA. KAZINFORM – 31 jeltoqsan kúni tústen keıin Astananyń segiz ornynda qazaqstandyq estrada juldyzdary men shyǵarmashylyq ujymdardyń qatysýymen merekelik jańa jyldyq kontsertter ótedi, dep habarlaıdy elorda ákimdiginiń resmı saıty.

Almaty aýdanynda Táýelsizdik dańǵyly boıyndaǵy Oqýshylar saraıynyń aýmaǵynda, Baıqońyr aýdanynyń Atatúrik saıabaǵynyń aýmaǵynda, Nura aýdanyndaǵy Ortalyq saıabaqta jáne Saryarqa aýdanynyń «Kóktal» saıabaǵynda saǵat 12.00-den 13.30-ǵa deıin merekelik kontserttik baǵdarlamalar ótedi.

Saraıshyq aýdanynda Promyshlennyı turǵyn alabynda jańa jyldyq baǵdarlama saǵat 13.00-den 14.30-ǵa deıin ótedi.

Jańa jyl qarsańynda 31 jeltoqsannan 1 qańtarǵa deıin qalanyń úsh ornynda merekelik is-sharalar ótedi.

31 jeltoqsanda saǵat 21:00-den 02:00-ge deıin qalalyq alańda (qala ákimdiginiń aldynda), «Qazaq eli» monýmenti men EKSPO alańynyń aýmaǵynda qazaqstandyq estrada juldyzdary men shyǵarmashylyq ujymdardyń qatysýymen qala turǵyndary men qonaqtary úshin jańa jyldyq merekelik kontsertter ótedi.

Іs-sharalarǵa otandyq estrada juldyzdary Almas Kishkenbaev, Aýree, Erkesh Hasen, Beıbit Qorǵan, Qaırat Baekenov, Zarına Omarova, Ilhan Ihsan, Qurmash Mahan, Marjan Arapbaeva, Álisher Kárimov, sol sııaqty Zaman jáne Melomen toptary jáne basqa da ártister qatysady.

Aıta keteıik, buǵan deıin Astanada jańa jylǵa arnalǵan otshashý qaıda ótetini anyqtaldy.