Astanada 3000 rýbık tekshesinen Abaıdyń alyp portreti jasaldy

ASTANA. KAZINFORM – Elordadaǵy MEGA Silk Way saýda jáne oıyn-saýyq ortalyǵynda uly oıshyl Abaı Qunanbaıulynyń 180 jyldyǵyna arnalǵan erekshe art-ınstallıatsııa usynyldy. Aqynnyń beınesi 3000 rýbık tekshesinen qurastyryldy, dep habarlady Astana ákimdiginiń resmı saıty.

Bıiktigi 3 metr, eni 2 metr bolatyn portretti spıdkýber jastar nebári 5 saǵatta jınap shyqty. Jobanyń bastamashysy Álıhan Ertursynnyń aıtýynsha, rýbık tekshesi logıka men shyǵarmashylyqty ushtastyratyn óner týyndysyna aınaldy.

«Osy arqyly ulttyq bolmysty zamanaýı tásilmen jetkizýdi maqsat ettik», – dedi ol.

«Abaı álemi» atty mádenı baǵdarlama eki kún boıy poezııalyq keshter men shyǵarmashylyq qoıylymdarmen jalǵasty. Myńdaǵan kelýshi jastardyń kreatıvtiligine joǵary baǵa berip, ulttyq muraǵa qurmet kórsetti.

Uıymdastyrýshylardyń pikirinshe, bul joba – Abaı murasyn jańasha tanytýdyń tyń qadamy. Maqsat – jas býynnyń ulttyq sana men eldik qundylyqtardy tereń uǵynýyna yqpal etý.

Aıta keteıik, Abaıdyń 180 jyldyǵyna arnalǵan alaman báıgede Pavlodardyń jylqysy birinshi keldi.