Astanada 300 tonnadan astam turmystyq qaldyqtar bólek jınaldy
ASTANA. QazAqparat - Elordada 2015 jyldyń naýryz aıynan bastap qatty turmystyq qaldyqtardy bólek jınaý boıynsha turǵyn úı qorynda tórt túrli (qaǵaz, plastık, shyny jáne aralas qaldyqtardy) pılottyq joba iske qosyldy. Bul týraly elorda ákimdiginiń resmı saıtynda habarlady.
Pılottyq joba aıasynda 54 aýdanda túrli tústi 108 konteıner: qaǵaz úshin - kók tústi, plastıka - sary tústi, shyny - qyzyl tústi jáne aralas qaldyqtar (azyq-túlik jáne t.b.) úshin jasyl tústi ornatyldy.
Pılottyq joba aıasynda 36 turǵyn úı keshenniń aýmaǵynda 17 páter ıeleri kooperatıvi jáne «Astana-Tazartý» JShS mamandarynyń qatysýymen halyq arasynda nasıhattaý jumystar júrgizildi.
Joba aıasynda 81,2 tonna qaǵaz, 206,92 tonna plastık jáne 36,9 tonna shyny jınalyp, turmystyq qaldyqtar qaıta óndeýge jiberildi.
Sonymen qatar, 1 naýryzdan bastap BUU Damý baǵdarlamasy birigýimen, elektrondyq qaldyqtardy bólek jınaý (kereksiz elektrondy jáne basqa da elektr qurylǵylar men olardyń bólikteri) uıymdastyryldy. Úsh turǵyn úı keshenniń aýmaǵynda jáne «Artem» jáne «Esil» eki saýda ortalyqtarynda arnaıy ekologııalyq jáshikter ornatyldy. Halyqty yntalandyrý maqsatynda aqaýly elektrondyq qurylǵylar men jabdyqtardy tapsyrý týraly turǵyndarǵa arnaıy jeńildikter qamtamasyz etý úshin ALSER kompanııasymen kelissózder júrgizildi. Sonymen qatar, qalanyń dárihanalarynda (merzimi ótken dári-dármekter, medıtsınalyq preparattar jáne t.b.) medıtsınalyq qaldyqtardy jınaýdy engizý josparlanýda.
