Astanada 300-ge jýyq adam qatysqan patrıottyq fleshmob ótti
ASTANA. KAZINFORM — Astanada Qazaqstan halqynyń birligi kúni qarsańynda aýqymdy patrıottyq fleshmob ótip, onyń barysynda Qazaqstan Respýblıkasynyń Memlekettik týy jaıyldy.
Іs-shara EKSPO býlvary aýmaǵynda uıymdastyrylyp, oǵan 300-ge jýyq adam qatysty.
Olardyń qatarynda «Jastar Rýhy» jastar qanatynyń belsendileri, Qazaqstan halqy assambleıasynyń ókilderi jáne elordalyq joǵary oqý oryndarynyń stýdentteri boldy. Іs-sharanyń basty maqsaty – patrıotızmdi nyǵaıtý, memlekettik rámizderge degen qurmetti arttyrý jáne birligimizdi nasıhattaý.
Qatysýshylar josparly túrde sapqa turyp, Memlekettik týdy bir mezette jaıdy, osylaısha halqymyzdyń birligi men dostyǵyn beıneledi. Bul kórinis turǵyndardyń zor qoshemetine ıe bolyp, kópshilik syrttaı fotoǵa jáne vıdeoǵa túsirip jatty.
Uıymdastyrýshylardyń aıtýynsha, mundaı aktsııalar elordada turaqty túrde ótkizilip keledi. Olar jastardyń azamattyq biregeıligin qalyptastyryp, qoǵamdyq ómirge belsendi aralasýyna yqpal etedi.
Aıta ketelik Astanada jóndeýden ótken úsh aýla paıdalanýǵa berildi.
