Astanada 300-den astam úlesker birneshe jyldan beri kútip júrgen páterin aldy

ASTANA. QazAqparat – Elorda 300-den astam úlesker páterin aldy. Bul týraly Astana qalasynyń ákimi Jeńis Qasymbek jelidegi paraqshasynda jazdy, dep habarlaıdy QazAqparat.

«16 jeltoqsan — Táýelsizdik kúni 300-den astam úlesker otbasy páteriniń kiltin aldy. «Royal Expo» turǵyn úı kesheniniń turǵyndary birneshe jyl buryn qonystanýy kerek edi. Biz óz tarapymyzdan ózge de úleskerlerdiń tezirek baspanaly bolý máselesin sheshýdi jalǵastyramyz. Al qalǵan 15 nysan boıynsha (30-dan astam turǵyn úı kesheni) sapasyna erekshe nazar aýdarýdy ári qurylys qarqynyn jedeldetýdi tapsyrdym. Qurylysy uzaqqa sozylǵan nysandardyń aıaqtalýy Memleket basshysynyń baqylaýynda», - dep jazdy ákim.

Eske salsaq, Astanada úleskerler kútip júrgen 50 úıdiń 36-synyń problemasy sheshildi.