Astanada 300-den astam kúzen tondy zańsyz alyp ótpek bolǵan er adam sottaldy
ASTANA. QazAqparat - Astanada 300-den astam kúzen tony kontrabandasy úshin er adam 4 jylǵa sottaldy, dep habarlady Astana qalasy memlekettik kiris departamentiniń baspasóz qyzmetinde.
Eske salsaq, 2016 jylǵy 16 tamyzda Astana qalasy Halyqaralyq áýejaıda jedel tergeý sharalaryn júrgizý barysynda Astana qalasy MKD ekonomıkalyq tergeý qyzmetiniń qyzmetkerleri Qytaıdan elordaǵa 324 ton alyp ótpekshi bolǵan qylmyskerlerdiń jolyn kesti.
2015 jylǵy 16 qarashada azamattar R.S. Smaǵulov pen J.K. Іlııasovqa qatysty QR QK 234-baby 2-b., 4.5-t., sondaı-aq E.M. Sátenovke qatysty QR QK 234-b., 3-b., 1-t. QR QK 361-b, 2-b. kózdelgen áreketti jasady degen kúdikpen qozǵalǵan qylmystyq is óndirisi aıaqtalyp, Astana qalasy «Esil» aýdany №2 sotqa jiberildi.
2016 jylǵy 26 qańtardaǵy sot úkimine sáıkes: E.M. Sátenovke múlki tárkilene otyryp, ómir boıy memlekettik qyzmette jumys isteý quqyǵynan aıyrylyp, jalpy rejimdegi kolonııada jazasyn óteý jazasy taǵaıyndaldy.
R.S. Smaǵulov pen J.K. Іlııasovqa jeke tıesili múlikteri tárkilene otyryp, 2500 AEK- 4 995 000 teńge kóleminde aıyppul túrinde jaza taǵaıyndaldy.
Sot sheshimi zańdy kúshine endi.
