Astanada 300-den astam adam velosherýge qatysty
ASTANA. QazAqparat – Astanada Sport kúnine oraı alǵash ret sport salasynyń qyzmetkerleri arasynda buqaralyq velosherý ótti, dep habarlaıdy QazAqparat elorda ákimdigi saıtyna silteme jasap.
Sport qyzmetkerleri tańǵy saǵat jetiden elorda irgesindegi Qosshy qalasynyń aınalma velojolyna jınaldy. Eńserilýi tıis qashyqtyq – 25 km.
Sport qyzmetkerlerimen birge Astana qalasy ákiminiń orynbasary Erlan Bekmurzaev, Mádenıet jáne sport mınıstrligi Sport jáne dene shynyqtyrý isteri komıteti tóraǵasynyń orynbasary Bekbolat Baıjanov, taekvondodan Olımpıadanyń tuńǵysh júldesin alǵan Arman Chılmanov jáne qalalyq sport basqarmasyna qarasty mekeme basshylary, sport ardagerleri «Úrker» eldi mekeniniń «Jasyl beldeý» saıabaǵyna deıin jalǵasqan qashyqtyqty júrip ótti.
Velosherýdiń ashylý saltanatyna Qazaqstan halqy Assambleıasy keńesiniń múshesi, «Astana Ormany» JShS damý jónindegi basqarýshy dırektory ıÝsýp Kelıgov jáne qalalyq Dene shynyqtyrý jáne sport basqarmasynyń basshysy Samat Jylqybaev, basqa da sport maıtalmandary men sport oshaqtarynyń basshylary qatysty.
Velosherýge 300-den astam adam qatysty.
Aıta keteıik, is-shara barysynda sport salasynyń qyzmetkerlerine Mádenıet jáne sport mınıstri Ashat Oralovtyń, qala ákiminiń orynbasary Eset Baıkenniń alǵys hattary, «Úzdik sport qyzmetkeri», «Sportty damytýǵa qosqan úlesi úshin» tósbelgileri tabystaldy.
Sondaı-aq bıyl maýsym aıynda Grýzııanyń Batýmı qalasynda shahmattan ótken álem chempıonatynda top jaryp, 12 jasqa deıingiler arasynda álem chempıony atanǵan Altynbek Aıarýǵa velosıped syıǵa tartyldy.
