Astanada 30 kún boıy tegin aýyzashar uıymdastyrylady

ASTANA. 23 shilde. QazAqparat - Qazaqstannyń Musylmandar dinı basqarmasy Zeket qorynyń Astana qalasyndaǵy ókildigi Astana qalasyndaǵy «Qoısha» dámhanasynda orazanyń ár kúninde júz kisige arnap aýyzashar dastarhanyn jaıady, dep habarlaıdy muftyat.kz.

«Keshirim men meıirimge toly Ramazan aıynda saýapty is jasaımyn degen kez kelgen adamnyń halyqqa aýyzashar uıymdastyrýyna mol múmkindigi bar. Alla Taǵala oraza ustaǵan jandardyń murattaryn asyl, nıetterin qabyl etkeı, Astana qalasyndaǵy musylman jamaǵatty ár kúni tegin aýyzasharǵa shaqyramyz. Kelemin deýshilerge árqashan esigimiz ashyq», - delingen QMDB habarlamasynda.

Dastarhan Abdýlkárim esimdi azamattyń qoldaý kórsetýimen uıymdastyrylýda.