Astanada 30-dan astam bilim mekemesinde elektrondyq oqý tájirıbesi engizilýde
ASTANA. 26 tamyz. QazAqparat - Elordada 32 bilim mekemesi ınnovatsııalyq jobalardy júzege asyrýdy qolǵa aldy. Bul týraly astana.kz saıtyna qalalyq Bilim basqarmasynan habarlady.
Astanada 26 orta mektep pen 6 kolledjde «elektrondyq oqý» jobasy júzege asyrylyp jatyr, al № 54 jáne № 64 mektepterdiń bazasynda «Bolashaq mektebi - búgin» ilki jobasy qolǵa alynǵan.
Budan basqa, ústimizdegi jyly sáýir aıynda Eýropalyq bıznes assambleıanyń Sokrat komıteti Astana qalasynyń № 60 mektep-lıtseıine «Eýropalyq sapa» belgisin tabys etip, jetekshi oqý ortalyqtarynyń resmı halyqaralyq tizbesine engizdi.
Eske salaıyq, qalalyq mektep oqýshylarynyń komandasy ǵylymı jobalardyń respýblıkalyq olımpıadalarynda jáne respýblıkalyq jarystarynda 7 jyl qatarynan «Úzdik komanda» atanyp keledi. 2012-2013 oqý jylynda 182 oqýshy halyqaralyq reıtıngtik olımpıadaǵa, ǵylymı konkýrstarǵa qatysyp, 148 medal (bul 5 jyl burynǵymen salystyrǵanda 7 esege artyq) alǵan.
