Astanada 3 jylyjaı men 6 kókónis qoımasy salynyp jatyr
ASTANA. QazAqparat - Búgingi tańda Astana qalasynda 3 jylyjaı men 6 kókónis qoımasynyń qurylysy júrip jatyr, dep habarlady qala ákiminiń baspasóz qyzmetinen.
«Bul nysandardy qoldanysqa bergende saqtaý kólemi boıynsha qala suranysy qanaǵattandyrylady. 2016-2017 jyldary kezeń-kezeńmen iske qosylatyn kókónis qoımalary bar. Al qurylysy júrip jatqandardy 2015 jyldyń ortasyna qaraı qoldanysqa berý kózdelgen», - dep habarlady Aýyl sharýashylyǵy basqarmasynan.
Jalpy búginde Astanada 5 kókónis qoımasy bar. Onyń 2012 jyly qoldanysqa berilgen úsheýi 15 tonna ónimge shaqtalǵan. Sol ýaqytta óndiris qýattylyǵy 2,5 myń tonna ónim bolatyn 2 jylyjaı ashyldy. 2011 jyldan bastap elordanyń azyq-túlik qaýipsizdigin qamtamasyz etý boıynsha jospar júzege asyrylýda. Ol 7 baǵyttan turady. Onyń ishinde qaıta óńdeıtin kásiporyndarǵa qoldaý kórsetý, jańa jobalardy júzege asyrý, baǵalardy baqylaý, turaqtandyrý qorynyń jumysy, sanıtarlyq-veterınarlyq qaýipsizdikti qamtamasyz etý jáne t.b. bar. Jospar aıasynda qaıta óńdeýmen aınalysatyn kásiporyndarǵa qoldaý kórsetilýde.
