Astanada 3 jastaǵy qyz ashyq qudyqqa túsip ketti

Qyzdyń anasy Dınara Ádilhanova tereńdigi bes metrden asatyn qudyqqa 3 jasar qyzynyń qulap ketkenin aıtty.

Kishkentaı ıAsmın abyroı bolǵanda tiri qaldy, oǵan der kezinde ákesi men kórshiler kómekke keldi, dep habarlady «Habar» telearnasy.

«Jigitter, kórshiler keldi, arqanmen tómen túsip, balany ilip, joǵary jiberdim, sodan keıin meni kóterip aldy. Ádette onyń ishinde baspa bolatyn, onda joq eken, taban tireıtin jer de joq», - dedi qyzdyń ákesi Medet Ádilhanov.

ıAsmın men onyń ákesi Medet sasyǵan káriz qudyǵynda 20 mınýttaı otyrdy. Tótenshe oqıǵadan keıin balany birden aýrýhanaǵa jetkizdi. Dárigerler tekserip kórdi, synǵan jeri joq, biraq qyz jótelip, temperatýrasy kóterile bastady.

«Balany tynys joldary qabynýy dıagnozymen pýlmanologııa bólimine aýystyrdy. Qazir onyń háli ortasha jaǵdaıda. 7 kúndeı dárigerlerdiń qaraýynda bolady», -dedi №2 qalalyq aýrýhananyń pýlmanologııa bóliminiń ordınator-dárigeri.

Balanyń ata-anasy polıtsııaǵa shaǵym berip, kommýnaldyq qyzmetke aryzdandy. Astanalyq ákimdik qar tazalaıtyn mashına kósheni tazalap júrgende kezdeısoq qudyqtyń qaqpaǵyn ysyryp jbergen shyǵar, degen ýájin keltirdi. Biraq qudyq jol júrisi bóliginde emes ekenin aıtqan jón. Іs boıynsha tekserý amaldary júrgizilip jatyr.

Astana qalasy kommýnaldyq sharýashylyq basqarmasynyń sýmen jabdyqtaý bóliminiń bas mamany Eldos Ibataevtyń aıtýynsha,qudyq merdigerlik uıymnyń qaraýynda bolǵan, oǵan qatysty kinálilerdi anyqtaý jumystary júrgizilýde. Sol kúni qudyqtyń qaqpaǵy jabyldy.

Mamannyń atap ótýinshe, sońǵy eki aptada Astanada 217 qudyq qaqpaqtary tekserildi, onyń 136-sy jabyldy, qalǵandaryna eskertý belgileri qoıyldy. Qudyqtardyń ashyq qalýynyń úsh negizgi sebebi bar: bul - jóndeý jumystary, ekinshiden - qar tazalaý tehnıkasynyń beıqamdyǵy, degenmen kóbine metall qaqpaqtardy urlap ketedi.