Astanada 3 jasar bala terezeden qulap mert boldy

ASTANA. KAZINFORM — Oqys oqıǵa keshe elordadaǵy kóp qabatty turǵyn úılerdiń birinde bolǵan. Bul aqparatty qalalyq polıtsııa rastap otyr.

— 26 tamyzda elordada kópqabatty turǵyn úıdiń altynshy qabatyndaǵy terezeden úsh jastaǵy bala qulap, alǵan jaraqattar saldarynan oqıǵa ornynda qaza tapty. Belgili bolǵandaı, oqıǵa kezinde úıde ata-anasy bolmaǵan, balaǵa onyń 7 jastaǵy aǵasy qarap otyrǵan, — delingen habarlamada.

Osy oraıda Astana qalalyq polıtsııasy qaýipsizdik sharalaryn qatań saqtaý qajettigin eske salady. 

— Mundaı jaǵdaıdyń basym bóligi eresekterdiń jetkiliksiz nazarynan, nemquraıdylyǵynan jáne qarapaıym saqtyq sharalaryn saqtamaý saldarynan bolyp jatady. Qurmetti ata-ana, bala qaýipsizdigi sizdiń qolyńyzda. Tek eresekterdiń qyraǵylyǵy men jaýapkershiligi ǵana qaıǵyly oqıǵanyń aldyn alady, — deıdi polıtsııadan.

Aıta ketsek, elordada jyl basynan beri 13 bala terezeden qulap, kóz jumdy. 

Al osy shilde de elordada bir kúnde 4 bala terezeden qulap, ekeýi mert bolǵan edi.