Astanada 3 stýdentti atys qarýymen jaralaǵan kúdikti ustaldy
ASTANA. 12 qyrkúıek. QazAqparat /Gúlmıra Alıakparova/ - Astanada 3 stýdentti atys qarýymen jaralaǵan kúdikti ustaldy. Bul týraly elordalyq Іshki ister departamentinen habarlady.
Málim bolǵandaı, Astana qalasy boıynsha ІІD Almaty aýdandyq ishki ister basqarmasynyń kezekshi bólimine, qalalyq aýrýhanaǵa sol aıaqtary men tizelerine atys qarýynan jaraqat alǵan 1992 jáne 1985 jyldary týǵan 3 azamat jetkizilgendigi týraly habar túsken.
Mán-jaıdy anyqtaý barysynda polıtseıler, jaraqattarmen aýrýhanaǵa jetkizilgen Astanadaǵy JOO-nyń 3 stýdenti, sol kúni ózderine asa tanys emes eki jas jigitpen sózge kelisip qalǵandyǵyn anyqtady. Shıelenisten keıin olar úılerine tarqasyp ketedi. Biraq stýdentter keshke qaıta kezdesip, kompıýterlik klýbqa barady. Azdaǵan ýaqyttan keıin klýbqa ózderimen sózge kelisip qalǵan eki azamat kelip, syrtqa shyǵýdy suraıdy. Olardyń kúndizgi daý-damaılary shıelenise túskende, eki azamattyń biri ań aýlaıtyn sholaq myltyqpen stýdentterdiń aıaqtaryna atyp, oqıǵa ornynan izderin sýytady.
Shuǵyl-izdestirý sharalaryn júrgizý barysynda Almaty aýdandyq ІІB-nyń tergeý boıynsha qyzmetkerleri qarýdan atqan azamatty qolǵa túsirdi. Ol elorda kásiporyndarynyń birinde jumys isteıtin, buryn qaraqshylyq úshin isti bolǵan 1989 jylǵy Qostanaı oblysynyń týmasy bolyp shyqty.
Qazirgi ýaqytta kúdikti Astana qalalyq ІІD-niń ýaqytshy ustaý abaqtysyna qamaldy. Onyń ústinen QR QK-niń 257-shi baby boıynsha qylmystyq is qozǵaldy, tergeý júrgizilýde.
