Astanada 3 stýdent Sara Nazarbaevanyń bilim grantyna ıe boldy

Bul týraly astana.kz saıtyna Balalardyń quqyǵyn qorǵaý basqarmasynan habarlady.

Atap aıtqanda, granttar Eýrazııa gýmanıtarlyq ınstıtýty «Pedagogıka jáne psıhologııa» mamandyǵynyń stýdenti Perızat Ońǵarbek, Eýrazııa gýmanıtarlyq ınstıtýty kolledjiniń «Mektepke deıingi bilim» mamandyǵynyń stýdentteri Alına Qalıbek pen Aıda Jantýarovaǵa berildi.

Sara Nazarbaevanyń bilim granttary jetim, ata-anasynyń qamqorlyǵynsyz qalǵan balalarǵa, turmysy tómen jáne kóp balaly otbasylardan shyqqan balalarǵa áleýmettik kómek kórsetý maqsatynda saraptamalyq komıssııamen taǵaıyndalady.

Eske sala keteıik, ótken jyly S. Nazarbaevanyń grantyn elordalyq Bilim basqarmasynyń «Kámeletke tolmaǵan balalar baspanasy» MM tárbıelenýshisi Dıana Beknazarbekova ıelengen bolatyn. Dıana Astana qalasyndaǵy Gýmanıtarlyq kolledjde «Bastapqy bilim» mamandyǵy boıynsha oqyp júr.

«Bóbek» qaıyrymdylyq qory elimiz táýelsizdik alǵan alǵashqy jyldary 1992 jyly quryldy. Bul jyldary balalardy qorǵaý máselesi erekshe kóńil bólýdi qajet etetin. Qor qyzmetiniń basty mindeti - jetim balalarǵa kómektesý bolyp tabylady. Osy jyldary júzdegen qaıyrymdylyq aktsııasy ótkizildi. Al 2002 jyldan bastap «Bóbek» qory ata-anasynyń qamqorlyǵynsyz qalǵan jáne turmysy tómen balalarǵa, stýdentterge kómek kórsetýdi qolǵa aldy.

Bıyl «Bóbek» qory Qazaqstan Respýblıkasynyń joǵary oqý oryndarynda, tehnıkalyq jáne kásibı bilim mekemelerinde oqýǵa Sara Nazarbaevanyń 70 bilim granty bólindi.