Astanada 3-shi synyp oqýshylary úshin Qazaq eliniń Tuńǵysh Prezıdentiniń tulǵasyna arnalǵan ekskýrsııalyq sabaq ótti

«Týǵan jerim tuǵyrym» taqyrybynda ótken ekskýrsııalyq sabaqtyń maqsaty QR Tuńǵysh Prezıdenti N.Nazarbaev tulǵasynyń qalyptasý kezeńderimen tanystyra otyryp, oqýshy boıynda otansúıgishtik, ultjandylyq jáne lıderlik qasıetterdiń qalyptasýyna yqpal etý.

QR Tuńǵysh Prezıdentiniń murajaıy tarıhı jáne mádenı qundylyqtardy jınaqtap, saqtap qana qoımaıdy sondaı-aq, Elbasynyń ómiri men qyzmeti jaıynda jiti baıandaıtyn Bilim berý baǵdarlamasyn júzege asyrady.

Balalar aýdıtorııasymen jumys jasaý murajaıdyń basym baǵyttarynyń biri bolǵandyqtan, murajaı pedagogtary men mektep ustazdarynyń birlesip qyzmet jasaýy dástúrge aınaldy. J. Jabaev atyndaǵy №4 mektep-gımnazııanyń 3-synyp oqýshylaryna Memleket basshysynyń otbasy, týǵan jeri, ósken ortasy jaıynda áńgimelendi.

Tyńdaýshylar Táýelsizdiktiń kirpishin qalap, Qazaqstan Respýblıkasy dep atalatyn memlekettiń negizin qurǵan Elbasynyń boıyndaǵy tulǵalyq qabiletteriniń qalyptasýyna yqpal etken materıaldarmen, ıaǵnı otbasylyq fotosýrettermen, dástúrli qujattarmen, jerlesterimen jáne qazaqstandyq turǵyndardan berilgen jádigerlermen, án men jyrǵa arqaý bolǵan Úshqońyr ólkesiniń tańǵajaıyp tabıǵatyn sýretteıtin shyǵarmalarmen tanysty.

Ekskýrsııalyq sabaq barysynda Prezıdenttiń jeke muraǵatynan alynǵan qujattar men 2009 jyly sáýir aıynda murajaıdyń murajaı pedagogıkasy ortalyǵy qyzmetkerleriniń Elbasynyń «kishi» Otanynda júrgizgen ǵylymı-izdestirý ekspedıtsııasynyń negizinde alynǵan materıaldar paıdalanyldy.