Astanada 3 myńnan astam turǵyndar súrilip tastalǵan úıleriniń ótemaqysyn ala almaı júr
aýryzdyń 25-i. QazAqparat /Aıdar Ospanalıev/ - Osy ýaqytta Astananyń 3 myńnan astam turǵyndary súrilip tastalǵan úıleriniń ótemaqysyn ala almaı júr. Bul týraly búgin Astana qalalyq prokýratýrasynyń alqa májilisinde elorda prokýrorynyń birinshi orynbasary Serik Qaramanov málim etti,
dep habarlaıdy QazAqparat.
Onyń aıtýynsha, 2005 jyldan beri súrilip tastalyp kele jatqan turǵyn úılerdiń ishinde qala ákimdiginiń arnaıy josparyna kirmegen úıler de bar. Óıtkeni ol úılerdi josparly túrde emes, yńǵaıyna qaraı qulata bergen. «Al azamattar ózderiniń úıleriniń súrilip tastalatynynan múldem beıhabar bolyp shyqty. Endi biz sol úılerdi buzǵan qurylysshylardy da taba almaı otyrmyz», dedi prokýrordyń orynbasary.
Onyń sózine qaraǵanda, ashynǵan azamattar qazir túrli pıketter men ózge de narazylyq sharalaryn uıymdastyra bastaǵan. «Buǵan ishki ister jáne zań organdary tıisti sharalar qoldanýlary kerek.
Biraq ishki ister salasy qazir jerge qatysty quzyrly organdar tarapynan bir kezderi jiberilgen kemshilikterge jaýapty bolyp otyr. Óıtkeni halyq qalyptasqan máseleniń kúrdelenip ketkendigin osy organdardan kórip otyr. Sondyqtan biz bul máseleni jer salasyna qatysty barlyq organdarmen birlese otyryp sheshýimiz kerek», dedi prokýrordyń orynbasary.
